الاثنين 10 يوليو 2023 10:12 مساءً - تصدر الفنانة عايدة رياض قائمة التريند في جمهورية مصر العربية، خلال الساعات القليلة الماضية، وذلك بعد تصريحاتها الأخيرة بشأن أسباب دخولها السجن وسبب ضرب محرم فؤاد لها، وخلال السطور التالية من موقع عرب فايف سنتعرف على أبرز التصريحات التي أدلت بها خلال لقائها ببرنامج “واحد من الناس” الذي يقدمه الإعلامي عمرو الليثي بقناة “الحياة”.
عايدة رياض تكشف سبب دخولها السجن
كشفت الفنانة عايدة رياض، خلال لقائها ببرنامج “واحد من الناس” الذي يقدمه الإعلامي عمرو الليثي بقناة “الحياة”، تفاصيل عن سبب دخولها السجن، وقالت: إنها تعرضت إلى الظلم في القضية التي دخلت بسببها السجن.
وقال: “الشرطة جت للبيت وقالوا لمحرم فؤاد: فيه بنت إحنا ماسكينها بتقول إنها معاها 100 دولار، والفلوس المزيفة دي بتقول إنها وخداها من عايدة رياض”.
وعن أكثر شئ أغضبها في قضية القبض عليها، وقالت: “أكتر حاجة بتضايقني على السوشيال ميديا إني بلاقيهم بيقولوا دي جايبينها من فيلا أو شقة مفروشة وحاجات رهيبة جدا في قضية القبض عليّ”.
تفاصيل دخول عايدة رياض إلى السجن
الآلاف من المواطنين في جمهورية مصر العربية، يبحثون عن تفاصيل دخول عايدة رياض إلى السجن، وقال: “الست اللى اتهمتني إني إديتها 100 دولار مزورة طلعت زوجة مخرج، لما وصلنا للمديرية محرم فؤاد إتفاجئ إن فيه مكالمة تليفونية من الست زوجة المخرج دي بتقول لي إزيك وكلام عادي مفيهوش أي حاجة، وطبعا القضايا دي بيبقى فيها شهرين مراقبة.. فات 4 شهور، ومفيش حاجة، بس هما كانوا عايزين المكالمة دي بعد 4 شهور علشان يمسكوني”.
وأشارت: “لما اتقبض عليا مكنتش حاسة بالدنيا ولما رُحت المديرية كل واحد بدأ يألف، ويقول هما مسكوها ازاي؟ اللي قبضوا عليا 4 أفراد منهم واحد من مباحث الآداب، بس كان المفترض يقولوا إنهم واخدني من بيتي مش في وضع غلط، تعرضت لظلم مش بسيط، واتقال عليا حاجات مش كويسة ودي حاجة مش سهلة ومتتصدقش، ومحرم فؤاد كان معايا في المحكمة وماسابنيش”.
رد فعل محرم فؤاد لحظة القبض على عايدة رياض
حكت الفنانة عايدة رياض، رد فعل محرم فؤاد لحظة القبض عليها، وقال: “محرم فؤاد اتخانق مع الظابط وكنت ممكن أرجع على طول، ولكن الخناقة اللى عملها هي اللي مرجعتنيش.. بس هو كان عنده حق، ووقف اترافع عني في المحكمة وكان في ضهري”.
عايدة رياض تكشف تفاصيل سبب ضرب محرم فؤاد لها
كشفت الفنانة عايدة رياض، خلال لقائها ببرنامج “واحد من الناس” الذي يقدمه الإعلامي عمرو الليثي بقناة “الحياة”، عن تفاصيل سبب ضرب محرم فؤاد، وقال: “أخدت علقة سخنة منه أثناء الخطوبة فى لندن، بسبب الولد اللى كنت بحبه بعت حد من أصحابه لى فى لندن لأنه كان داخل الجيش ومش ينفع يسافر، بعت لى حد من أصدقائه، وبعت خطاب لى على السفارة فى لندن على إنه أخويا، وجالى تليفون من صديق وبيطلب منى أرجع تانى ليه، ومحرم سمع المكالمة واتجنن وضربنى أمام صديقه اللبناني”.
وأضافت زواجها من الفنان محرم فؤاد لم يستمر لأكثر من 13 سنة، وأن سبب الانفصال عديدة منها عدم الإنجاب، وخاصة وأن محرم فؤاد قام بإنجاب طفل من زوجته الأولى لكنه كان يرفض الذهاب إلى الطبيب.
