الجمعة 21 يوليو 2023 10:30 مساءً - قام المطرب والملحن رامي جمال بالكشف عن سبب إصابته بمرض البهاق، وهذا جاء لأول مرة، وتسبب في صدمة كبيرة لكل متابعيه وجمهوره، وأكد قائلاً “المرض كان بسبب إني نمت زعلان”.

سبب إصابة رامي جمال بمرض البهاق

وتحدث الفنان رامي جمال أثناء لقائه في برنامج حبر سري وتقدمه الإعلامية أسما إبراهيم على قناة القاهرة والناس الفضائية، قائلاً “روحنا في يوم يوم سافرنا وصورنا أغنية من الأغاني المقربة أوي لقلبي مع مخرج صديق، والأغنية كانت تكلفتها كبيرة كانت 100 ألف دولار وبعد لما خلصنا تصوير عايز أستلم منه الكليب لقيته بيماطل ومختفي وفي الآخر اعترف لي إن الهارد وقع منه اتكسر وما كانش واخد منه نسخة”.

واستكمل قائلاً “الحركة اللي عملها معايا المخرج ما يغلطش فيها حد جديد في الشغلانة، ساعتها ما بقيتش قادر أصدق وفكرت وقلت يمكن عايز فلوس زيادة بس الحقيقة إن الهارد فعلًا بتاع الكليب اتكسر وقال لي اتصرف فطبعًا ما كانش عندي حل وأنا كنت في بداية مشواري والـ100 ألف دولار ما كانوش موجودين وربنا كرمنا بالحل في الفلوس بس كان الموضوع صعب جدًّا”.