صنعاء - عبدالجليل فارس - بعد الهجوم الواسع والإنتقادات العديدة التي وجهت للممثلة المصرية داليا شوقي بعد دورها في مسلسل سفاح الجيزة، والمطالبات لها بإعتزال التمثيل، ردت داليا على الأمر مؤكدة أنها لا تستمع لكلام كل الناس.

وقالت داليا شوقي: "هي السوشيال ميديا سلاح ذو حدين، هي وسيلة التواصل مع العالم الخارجي.. وفي نفس الوقت مش لازم تسمع للعالم الخارجي، عشان في حاجات كتير بتكون متسلطة، ومش مظبوطة، في حاجات كتير قوي بتحصل والبني آدم متفرجش ومشافش. أنا بسمع للناس القريبين مني اللي أنا ببقى متأكدة من صراحتهم وبسمع الصناع اللي هما الفنانين والمخرجين والمنتجين".
واستكملت: "أنا مش مكن أنا بني آدمه، أكيد بحس وبتأثر وأكيد بشوف لكن أنا بالنسبة لي دي عضلة بمرنها، بس مينفعش أخلي دي المسطرة بتاعتي، كده هنقعد في البيت مش هنعمل حاجة، وفي ناس كتير الحمدلله كانوا شايفين قد إيه المشاهد صادقة وإن من كتر الصدمة اتشليت".