باسل النجار = الرياض في السبت 16 سبتمبر 2023 11:36 مساءً - – انت لا درست فن ولا تمثيل ودخلت كلية التجارة؟
= قبل ما ادرس فن اه دخلت كلية التجارة .
– ليه بقى؟
= عشان مجموعي
– قصدي ليه مروحتش حاجة اقرب لمواهبك الأدبية وقراياتك؟
= مفيش مواهب أدبية … أنا المواهب اللي عندي إني كنت أنزل ألعب كورة مع العيال في الشارع ولما جه المجموع دخلت تجارة ..
ولما دخلت تجارة في مرة اتأخرت على محاضرة وأنا في سنة أولى فمرضتش اخش بقى عشان عارف الدكتور هيهzقني عشان مبيسمحش حد يخش بعده، ففضلت قاعد تحت ومفيش اي حاجه تتعمل .. واحد صاحبي لقاني قاعد وحران ومفيش حاجه تتعمل .. قالي تعالا نعد في مسرح كلية تجارة وانا ولا اعرف فيه مسرح ولا اعرف بيعلموا ايه فروحت على أساس هنقعد في مكان ضل بعيد عن الشمس والحر
وقتها كان فيه بروفة بيخرجها أستاذ صلاح عبدالله هو اللي علمني وهو اللي دربني وهو اللي فهمني … يومها كان فيه ممثل بيقول جملة ومجاش فاستاذ صلاح عبدالله بيبص ملقاش حد غيري في الصالة.. وأنا قاعد في الضل بشرب شاي وصاحبي كان خرج … فقالي “تعالى تعرف تقول الجملة دي؟” فقولتها بس بصوت واطي جدًا قالي علّي صوتك … عليت وقولتها .. قالي تيجي كل يوم تقول عشان تقول الجملة دي .. وانا مكنتش فاهم اي حاجه .. وفضلت أروح ومن وقتها منزلتش من المسرح ♥