باسل النجار = الرياض في الثلاثاء 26 سبتمبر 2023 11:32 صباحاً - حلت الفنانة ياسمين صبري ضيفة مع الاعلامي عمرو اديب في برنامج الحكاية، وكشفت ياسمين العديد من اسرار حياتها وتحدثت عن علاقاتها الشخصية وقعداتها مع السيدات وغيرتهم منها على ازواجهم.

سألها عمرو أديب قائلاً :” ياسمين لما بتبقي قاعدة وسط ستات بيبقوا مرتاحين ؟ يعنى انا بتخيل نفسي لو انا ست و قاعدة و بعدين دخلت ياسمين صبري قعدت معانا انا مش هبقى مرتاحة اوي”.

فردت ياسمين قائلة :” طب هقولك انا لما بكون قاعدة مثلا انا و صديقتي و بعدين جوزها جه انا بقوم امشي ، اقرب مثال اول امبارح كنا مخلصين تصوير و كنت قاعدة انا و صديقة ليا و بعدين جوزها جه ، فقولتلها بلطف انتم تبقوا لوحدكم و قومت مشيت .. انا عايزاها تبقى مرتاحة ، انما في حالة انها بتصر اوي اني اقعد معاهم ممكن اقعد”.

وقاطعها عمرو اديب وقال :” و أكيد جوزها بيصر بردو”.

واستدركت ياسمين حديثها قائلة:” لا لا فيه ناس محترمة يا استاذ عمرو”.

-و ايه اللي قلل الاحترام لما الراجل يقولك اقعدي يا ياسمين انا عايز اكلمك في الفلسفة و علم النفس.

– لا لا فيه رجالة عندها احترام و مش بس احترام ، احساس كمان، لانه في الاخر هيروح مع مراته

– و ايه المشكلة لما اروح مع مراتي و في نفس الوقت اقعد شوية مع ياسمين.