باسل النجار = الرياض في الأربعاء 27 سبتمبر 2023 02:45 صباحاً - فيه تجربتين غنائيتين في مصر يستحقوا الالتفات و الاحترام بشدة خصوصا مع تنوعهم و اختلاف ظروفهم و المحتوى اللي بيقدموه
١- نهال نبيل
البنت ام صوت يهبل في مسلسل سارة من حاجة و عشرين سنة اللي الوسط الفني كله راهن عليها في وقتها .. غنت في مناسبات ضخمة مع نجوم كبار و لكن ….
لم تجد هذه الموهبة الجبارة من يساندها فقررت تشتغل بدراعها .. انتاج نهال لا يتوقف و يتنوع في أشكاله الموسيقية… و عندها البوم عظيم و تراكات سنجل هائلة … مجرد أنها مكملة كل الوقت ده و لوحدها ف دي حاجة تكتب في التاريخ
٢- شيماء المغربي
فتاة سكندرية صغيرة مليئة بالطموح المدهش فيها انها چوكر بحق
شعبي … تلاقي صوت عظيم فيه ريحة بدرية و حورية
مهرجانات .. غيري مني و ولعي بصوتها كسرت الدنيا
دراما عندها تراكات حقيقي مدهشة في جودتها و حال تنفيذها ..انا شخصيا غنيت اغنية من أغانيها في حفلاتي
دول بنتين مصريين بيحاربوا وبيعملوا تجربه فنيه تستاهل الاحترام اسمعوهم وقفوا وراهم يمكن بعد سنين نشوف واحده منهم بتترشح انها تكون صوت مصر
