باسل النجار = الرياض في الجمعة 29 سبتمبر 2023 03:47 صباحاً - كتبت : غادة كريم
شفت اللقاء كاملا مع عمرو أديب وتابعت تعليقات الستات بين اه تتحب ولا مغرورة، هكتب رأيى فى خمس نقط مباشرة
– قارئة
لها فى قلبى مكانة كبيرة لأنها تقرأ
طلعت مع منى الشاذلى مرة وسألتها بتحبى القراية قالت لها اه وبقرا حاليا كتاب حلو اسمه #علامات_الحب_السبعة وقد كان هذا كتابى الأول واتشالت فى المونتاج لكن الاعداد قالى :)) واحترمتها كثيرا
الست اللى بتقرا عندها بوابات بتفتحها في عقلها على الحياة
– قوة جذبها للأشياء عالية
سمعتها فى حوار زمان بتقول وأنا راجعة من طريقى للمدرسة للبيت كنت بحضن شنطتى واتخيل نفسى سندريلا عندى شنط وجزم وفساتين كتير في الحياة
وقد كان لها ما تخيلته فالواقع هو ما يقع من عقلك
– مظلومة
شفت مطربة فى برنامج عربى بتقول ويعنى قانون الجذب بتاع ياسمين صبرى ليش خلاها تطلق لما هو شغال اوى كده !
قانون الجذب مختلف عن النصيب .. الاتنين سكك مختلفة هشرحها لاحقا
– ذكية
قالت الانتقام تضييع وقت، لا كيادة ولا بتلقح وعايزة تستغل اللى بتعرف تعمله وتطوره ومنتهى الذكاء اتشغل بنفسي وبس
– وحيدة
مهما كانت الست لابسة جزمة غالية أو ساعة محصلتش بتقلعهم بعد الايفنت وتبقي ست بتاخد دش وجعانة وعايزة تشوف ناس بتحبهم راجلها، عيالها، أمها، أبوها .. عايزة الحاجات الغالية بجد اللى مابتتشراش بالفلوس ولا بتتنشر على الانستجرام
تعليقى الوحيد مفيش حاجة اسمها أنا اتحب
