باسل النجار = الرياض في السبت 14 أكتوبر 2023 10:46 مساءً - – ازاي كريم عبدالعزيز اخد دوره في فيلم الفيل الأزرق؟
انا لما اتصلت بمروان حامد وقولتله انا عايز اشتغل معاك ف قالي وانا كمان وانا بدور لسه على حاجه يعني ولقيته بعد 4 ايام باعتلي ورق روايه الفيل الأزرق بخط احمد مراد بالقلم الرصاص قبل ما تتطبع اصلا
ف قالي انا بعتلك روايه وعايزك تقرأها وتقولي رأيك وانا قولتله يلا بينا .. صحيت 5 الصبح عشان اقرأ لأني بحب اقرأ الصبح بدري قبل ما عقلي يتشغل بحاجه فـ صحيت قرأت الورق وجالي ذهول من الرواية
كانت حلوه اوي واحمد مراد عنده خيال حلو اوي وعنده شرح بصري للأحداث تخليك تحس المشهد وتشوفه قدامك كأنك بتتفرج على فيلم مش بتقرأ واتبسط جدا .. واقعد اقول تتعمل فيلم يا كريم وبعدها اقول معرفش لأن بالنسبالي كان ده اكتر مجازفة في حياتي وبعدها روحت مكلم مروان قولتله انا هعمل الفيلم قعد يقولي يا كريم مش لونك وبتاع قولتله انا هعمله يعني هعمله
وقولت يا هعمل الفيلم ويعجب الناس يا همشي على واحد واحد اقول حقك عليا، لأن ده فيلم رعب وطويل اوي و 3 ساعات والشخصيه مش سو*ية فـ كانت فعلا مجازفه كبيره اني اعملها واطلع بره اللي بعمله كله والحمدلله مبسوط بيها جدا