باسل النجار = الرياض في الجمعة 20 أكتوبر 2023 12:31 صباحاً - أحمد حلمي بيحكي قصة عنه هو ومحمد فؤاد:

مرة إتزنقنا في وسط البلد في العيد ، كان معايا محمد فؤاد بعد فيلم (رحلة حب) و نزلنا وسط البلد في العيد
و مستخبيين و لابسين كوفيات ، و قاعدين في عربية متفيمة في آخر كنبة ورا ، و جه عيل زقردة لمح محمد فؤاد راح لامم علينا الشارع كله ( محمد فؤاااااد اهوووووو)
فجأة لقينا نفسنا كإننا في إستاد كورة
(فؤاد) قالي لازم ننزل من العربية يا إما هنـMـوت ،
قلت له ننزل إيه يا عم نـMـوت في العربية أحسن
المهم نزلنا لقينا في وشنا محل (جحا) بتاع الكشري ،
كل ما نيجي ندخل المحل صاحب المحل يزقنا لبرة
ماهو خايف على المحل بتاعه من الزحمة ، في الآخر زقيناه و دخلنا ، راح قافل ورانا الباب و مخرج العيال كلها
إتصلنا بالشرطة عشان يفرقوا الناس
أقرب بوكس معدي راح واقف بضهره للمحل ، خارج (محمد فؤاد) يحيي الناس قبل ما يركب راح الظابط زاقق إيده و قايله بس بقااااا ، و راحوا زاقينا جوا البوكس
البوكس الظاهر كان ماسك ناس Dـعـ…ـارة
و قاعد واحدة عمالة تتشتق باللبانة
(ايه تااااا محمد فؤات تا ولا اييييه )
و الصول يقولها بس يا بتتتتتت
و أي حد يشوفنا باين علينا ممسوكين رسمي