باسل النجار = الرياض في الخميس 16 نوفمبر 2023 05:01 مساءً - استضافت الإعلامية منى الشاذلي الكاتب عبدالرحيم كمال، في برنامجها معكم مني الشاذلي المذاع على قناة on e.
وكشف الكاتب عبدالرحيم كمال عن اعتزازه بلقب كاتب أكثر من سيناريست، لأن الكاتب أكثر شمولية وصاحب تجربة إنسانية تستطيع أن تلخص العالم.
وأضاف: «السيناريست شئ منسوب للحرفة أكثر أقدر أحول الورق إلى سيناريو يقدر المخرج وطاقم العمل يتعاملوا معاه».
وتابع: «لكن الكاتب عنده وجهة نظر وموضوع ومش أي سيناريست يبقى عنده وجهة نظر ويوصل للناس شئ فالكاتب هو صاحب وجهة النظر».
وأوضح: «عشان كده لا أتحمس لورش الكتابة لأن مفيش ورشة كتابة صاحبة وجهة نظر ولا يعنيها أن تكون صاحبة وجهة نظر فهي ورشة تقدم أفلام ومسلسلات جيدة والجمهور يتفرج غليها وتجيب فلوس لكن وجهة النظر دي مهمة جدا ودي يملكها عدد قليل من البشر يكون عندهم قدرة يوصلوا للناس جملة وفكرة مفيدة ومش بتبقى مفاجئة فالناس عارفة إن الحق حق والشرف شرف لكن الفكرة في كيفية صياغة الأفكار دي، فالكاتب بيقدر يبقى صاحب الجملة دي عكس التاجر اللي مش شرط يبقى صاحب جملة، فشرف كبير إن الانسان يبقى كاتب أي يملك القدرة على إيصال جملة تفيد إنشالله بني آدم واحد».