عزيزه حلمي تلعب دور الأم بالصدفه ولايق عليها

باسل النجار = الرياض في الخميس 30 نوفمبر 2023 07:11 مساءً - عزيزة حلمى من الممثلات اللى الناس عرفتهم بأدوار الأم رغم أنها فى البدايات كانت بتعمل أدوار البنت الشابة عادي .. لحد ما حصل موقف وخلاها متعملش بعد كده غير أدوار الأم..

فى يوم من الايام يا سادة يا كرام .. راحت الست عزيزة الفرقة القومية تزور صاحبتها فلقت هرج ومرج وزعيق جامد فى الكواليس وعرفت وقتها أن المخرج شايط لأن الفنانة اللى بتعمل دور الأم اعتذرت فى أخر لحظة.. وهو مش لاقى حد يعمل الدور..

حبت عزيزة تنقذ الموقف فراحت للمخرج وقالت له انا ممكن اعمل الدور يا استاذ بس الملقن يساعدنى.. وهنا المخرج افتكرها بتهرج لأن مفيش بنت شابة تقبل تعمل دور أم.. لكن الست عزيزة رجعت تأكد عليه أنها بتتكلم بجد وهنا المخرج مالقاش حل غير أنه يوافق.. وفى المساء كانت المفاجأة أن عزيزة عملت الدور أحسن من الممثلة اللى بتعمله.. فخلع الممثلة وقال لعزيزة من هنا ورايح انتى اللى هتعملى الدور.. ومن يومها وهى مبتعملش غير أدوار الام..