باسل النجار = الرياض في الأحد 3 ديسمبر 2023 05:07 مساءً - قال شُكري سرحان في لقاء تلفزيوني مع الإعلامي طارق حبيب :”انا لما عملت فيلم ابن النيل كنت لسة صغير في السن، الدور كان فيلمي ابن النيل هو دوري و الادوار اللي معايا كلها صغيرة و تدور في فلكي و مع ذلك لم اجرؤ ابداً اني اقُلهم حطوا اسمي قبل السيدة فاتن حمامة رغم ان دورها كان صغير بالنسبالي لم اجرؤ اني اقُلهم حطوا اسمي قبل الاستاذ يحيى شاهين رغم ان دوره كان قد كدا بالنسبالي لأن لا ازاي!!؟
فاتت سنين و ربنا اكرمني بمجموعة جوائز مثلاً شباب امرأة و رد قلبي و بعدين صراع الابطال تلات جوايز اولى
وجِه فيلم اللص و الكلاب، والفيلم كله دوري و كنت بقالي سنين بقى وربنا اكرمني و بقى ليا اسمي الاستاذ جمال الليثي قاللي يا شكري الفيلم دا فيلمك و معاك الاستاذ كمال الشناوي و السيدة شادية،قُلتله اسمائهم تتحط قبلي لأن السيدة شادية قبلي ان شاء الله بسنة و الاستاذ كمال الشناوي قبلي فلازم احترم دا فيلم اللص والكلاب .. اللص اللي هو سعيد مهران اللي هو دوري كان كدا شادية كمال الشناوي شكري سرحان
طارق حبيب؛- هذا لا يحدث الان؟
شكري سرحان ؛- لا يحدث دا فيه شئ عجيب يعني دلوقتي زميل من زُملاتي الجُدد قاللي يا استاذي و انت من جيل اساتذتنا و كدا و بسعد جداً لما اسمع الكلام دا و بعدين اكتشف انه بيحارب من ورايا علشان يحُط اسمه قبل اسمي..!
الجميل شُكري سرحان الله يرحمه