باسل النجار = الرياض في الاثنين 4 ديسمبر 2023 09:15 مساءً - الموسيقار والفنان الراحل محمد سلطان بطل فيلم من غير ميعاد في دور وحيد مع محرم فؤاد و نادية لطفي و سعاد حسني، وظهر في فيلم عائلة زيزي في دور المخرج يوسف حسين
محمد سلطان من عائلة ثرية معروفة جدا بالإسكندرية والده كان ضابط شرطة رفيع المقام ، و طوال حياته عاش حياة الأثرياء وإقامته دائمة بسويسرا
اتعرف على الفنان عبد الوهاب بطريقة ذكية جدا وهو عنده ١٢ سنة وعزمه في بيت الأسرة ، وامتدت علاقتهم من يومها لحد ما دفن بنفسه الفنان عبد الوهاب
و كان عنده فرقة موسيقية بيصرف عليها وهو عنده ١٦ سنة
سلطان كان بيتعشى مرة في مطعم فسمع اتنين بيعزفوا اورج وجيتار فساب العشا وراح سألهم إيه العزف الرائع ده انتوا مكانكم مش هنا تحبوا تشتغلوا في الفرقة الماسية ؟ وتاني يوم مصر كلها عرفت عمر خورشيد و مجدي الحسيني بألحان محمد سلطان
هو سبب شهرة ميادة الحناوي و أصالة و هاني شاكر و شيرين عبد الوهاب
عمره ما طلع في برنامج وغلط في أي فنان ، وردوده مش خبيثة بل بكل أدب بيرد وبيترفع عن الدخول في المهاترات
حكايات كتير محتاجة مجلد عن سلطان ، فايزة أحمد فرملت عجلة شهرته وحبسته في دائرتها وعبد الوهاب بدهائه حطه في قفص ماعرفش يخرج منه ، لكن هو بتواضعه و مثاليته المبالغ فيها وعدم اهتمامه بالفلوس خسر وخسرنا احنا معاه ، لإنه فنان لا يقارن ولولا ارتباطه بالشخصين دول كنا كسبنا حالة لا تتكرر في تاريخ الفن ، لإن رغم عطاؤه الكبير إلا إنه لم يؤرخ لنفسه وطالما الشخص بيتهاون في حق نفسه مافيش حد ممكن ينصفه
هو صاحب الموسيقى التصويرية للأعمال الاتية :
فيلم الراقصة والسياسي
فيلم النمر و الأنثى
فيلم يا عزيزي كلنا لصوص
فيلم المطارد
فيلم ولاد الايه
فيلم على باب الوزير
فيلم التوت و النبوت
مسلسل البشاير