باسل النجار = الرياض في الجمعة 15 ديسمبر 2023 05:35 مساءً - إيمان كانت متعودة على جوابات المعجبين اللى كانت بتملى بيتها يوم بعد التانى.. وفى يوم جالها جواب مكتوب بلغة غير العربية فسألت واحد صديقها عنه فقالها ده باللغة الإسبانية وده معجب وبيسألك هل أنتى من مصر؟ وهل ممكن تبعتى لى صورتك بتوقيعك”.
ردت إيمان على جواب المعجب الافرنجي زى ما تعودت أنها ترد على اى معجب وكتبت وقالت “نعم أنا من مصر.. ويسعدنى أن ألبي طلبك”..
ومرت أيام وايام نسيت فيها ايمان موضوع الجواب لحد ما جالها جواب من نفس الشخص بس المرة دى مالقتش صديقها اللي ترجم لها الجواب الأول فراحت لصديق عالم باللغات يقرأ لها الجواب اللى كان مكتوب فيه : “ان الدنيا لا تسع سعادتي بعد ان وافقتى على الزواج منى .. وأعدك بأننى سأكون أوفى زوج فى العالم وأرجو أن تحددي لى موعدا كى يذهب كل منا الى مكتب تسجيل الازواج فى بلاده .. لنتمم العقد رسميا ..ثم نتفق بعد ذلك على موعد اللقاء”.
وطبعا وقتها فهمت ايمان ان الاخ الاولانى ترجم لها الجواب غلط وأن الاخ الاسباني اللى كان باعت لها كان عايز يتجوزها.. مش عايز صورتها…