باسل النجار = الرياض في الأحد 17 ديسمبر 2023 06:29 مساءً - عايزه تقولي حاجه لسماح أنور عن دورها اللي حذفتيه في فيلم يوم للسـ ـتات بعد ما حلقت شعرها و صورت مشاهدها؟
عايزه أقولها عندك حق تزعلي مني و أنا لو مكانك هعمل اكتر من كدا و انا مش هبرأ نفسي لا أنا غلطانه فأنا أسفه انتي ممثله كبيره.. بصراحه هي ليها حق تكـ ـرهني
بررتيلها سبب حذفك لدورها؟
حاولت أبرر بس هي مش هتسمعني و عندها حق.. هما كانوا خمس مشاهد صامتين فكنت عايزه اجيب حد جديد عشان يقبل يحلق شعره فإلهام شاهين قالتلي إيه رأيك سماح أنور تعمل أنور قولتلها ياريت
فالسـ ـت وافقت و حلقت شعرها و كانت هتعمل الخمس مشاهد بس اخر مشهد ده اهم مشهد لانه ده اللي هيفهمك الشخصيه.
فاول سنه لما حلقت شعرها الفيلم وقف بسبب الثـ َوره فوقفنا لان كان معانا إلهام شاهين فكانوا هيقتلونا كلنا و كنا بنسمع صوتهم برا فقولتلها يا الهام لو عرفوا انه انتي هنا هسيبك و أجري..
تاني سنه سماح حلقت شعرها برضو بس كنا في الشتا و الفيلم كله هيتصور في الصيف فإضطرينا نستنى الصيف فلما جه الصيف الممثلين دخلوا مسلسلات رمضان فإضطرينا نأجل للسنه اللي بعدها..
تالت سنه امي تعبت و تو.فت و قولت لإلهام هاتي مخرج تاني قالتلي لا انتي هتكملي فيلمك
فلما رجعنا نصور بعد كدا سماح رفضت تحلق شعرها تالت مره و عندها حق فلبسناها باروكه و الباروكه كانت وحـ ـشه اوي
و المشهد ده كان مهم لانه بيبن انك بتشوفي السـ ت اللي علطول حزينه و ماسكه قطط دي بتنزل البيسين فكانت عايزه اوصل انه حتى السـ ـت اللي شعرها محلوق دي قالت هعيش و هنزل المايه.. المايه اللي هي الحياه
فالباروكه كانت وحـ ـشه جداً و انا المفروض هننهي الفيلم عليها
فلقيت انه لو طلعتها بالباروكه دي قفلة الفيلم هتبقا كوميديه يعني
بس هي عندها حق تزعل و عندها حق متستحملش لمدة ٣ سنين تحلق شعرها زيرو و هي عندها حق تـ كـرهني و عندها حق متبقاش طايقه حد يقول إسمي قدامها
بس انا اسفه يا سماح متزعليش مني
و يارب اعرف اعوضك
و انا اسفه انا اسفه انا اسفه و هفضل اقولك انا اسفه لغاية اخر لحظه في حياتي .