باسل النجار = الرياض في الأحد 31 ديسمبر 2023 02:57 مساءً - – إيناس، ليه الناس دايما بتقارن بين نجاحك و نجاح أحمد مكى؟
= بصى أنا النقطة دى رديت فيها جميع اللقاءات اللى عملتها.. يا إخوانا إرحمونا، أنا مدركة إن فيه حاجة إسمها ضريبة الشهرة فا طبيعى لو إنتى إسم مشهور و أخوكى نجم ميجا ستار.. لازم الناس تفضل تر.غى و تهـ ـرى فى نفس المنطقة
طلعونا أنا و هو متحْانقين،، يا إخو’انا مش متحْانقين
طلعونا إن إحنا واخدين قرار ما نشتغلش مع بعض، و الله ما حصل
طلعونا إن فيه بينا مشادة، ده هو ضهرى و سندى و راجلى اللى فى الدنيا.. و وصلت بيهم اللى هو إنتوا ليه مالكوش صور مع بعض، إيه ده ده إنتو ناس غريبة جدا
– بس فيه ناس فعلا ما تعرفش إن إنتى أخت أحمد مكى و لما عرفوا إستغربوا أكتر اللى هو إنتى إزاى أخته و مش بتشتغل معاه
= ما ده منطق مش بتاعنا بقى، إحنا لا نتبنى الأفكار دى، ده الموضوع وصل إن أنا إتقاللى فى برنامج قبل كده إنتى ليه ما بتقوليش لـ أحمد يشغلك معاه قولتلها و أنا ليه أطلب منه إنه يشغلنى معاه.. إنا إيناس مكى هو لو محتاجنى هيطلبنى و إتأكدى إن أحمد سوبر ستار إخراج كمان، يعنى مش هيجتاحنى فى دور غير لما يكون شايف إننا هنعمل بوووم أو الدور هيتشاف و ممكن يكون شايف قدامه مليون حاجة بس بيقول لأ إيناس تستاهل أحسن من كده ما أجيبهاش تكرر
– يعنى الرفض ده عشان ما يتقالش واسطة ولا عشان مفيش حاجة مناسبة
= لأ مفيش حاجة مناسبة
– يعنى مكانش ينفع تعملى دور مربوحة؟
= لأ طبعا إزاااااى، أنا أطلع حبيبته و مراته و أنا أخته الأكبر بقى، إزاى بقى لأ إحنا كده هنلخبط لأ طبعا
المتاح إن أدخل أعمل دور شخصية من الشخصيات كام حلقة كا تفصيله كوميدى فى قلب الحدوتة لإن ده أنا عملته قبل كده و بعدين قولنا ما أنا عملت ده قبل كده فا فين الجديد اللى إتعمل لـ إيناس؟ فا يمكن اللى جاى يبقى أحسن إن شاء الله
الفنانة إيناس مكى