باسل النجار = الرياض في السبت 6 يناير 2024 04:53 مساءً - الفيلم الأردني “ان شاء الله ولد ” ،فيلم بيعرض قضيتين شائكتين.. حتي اني استغربت من مستوي الجرأة فيه ..
القضية الاولي.. الميراث في الدين الاسلامي حال وفاة الاب واولاده بنات فقط .
مات الزوج وترك زوجه شابه وبنت صغيرة … ساهمت معاه في البيت بكل ميراثها لكنه جهز عقد ليها بنصيبها في البيت ومش مضاه .. وبكدا مافيش اي دليل ان ليها اي حق فيه إلا ميراثها وميراث بنتها الشرعي الي هيشاركها فيه العم والي طالب فورا بحقه وبفلوس اخدها منه اخوه المتوفي .. بتدعي الزوجه انها حامل لتماطل في سداد الدين لان ما عندهاش اي فلوس وكمان علشان البيت الي عاوز ياخده اخو جوزها منها وما تلاقيش مكان تروح فيه .. بيدور حوار فيه المغزي كله .. الزوجه موجهه كلامها لأخو جوزها .. ولو كان اخوك خلف ولد مش بنت.. بيطلب القاضي عرضها علي الطب الشرعي للتأكد من الحمل .. بتكون مرعوبة من كذبتها لكن بتاتي النتيجة انها حامل فعلا فتدعي يا رب ولد
القضية الثانية .. الطلاق في الدين المسيحي
بنت منّ عائلة ثرية مسيحية اتجوزت ومش عاوزة جوزها وعاوزة تتطلق منه ومش عارفة تثبت عليه الخيانة علشان تاخد الطلاق .. واما تحمل تنزل الجنين ودا بيعمل مشكلة كبيرة .. بيدور حوار .. اتجوزتيه ليه ما دام مش بتحبيه .. علشان العلاقة الخاصة.. قالوا كلمة تانية محرجه ففضلت استبدلها بعلاقة خاصة ..
الفيلم مش عجبني قوي كئيب شبه بعض الافلام الإيرانية .. ما عنديش مانع نناقش قضايا دينيه ومجتمعية وننصف المرأة ونحس بكل ما تعانيه في مواقف مشابهه علي ارض الواقع ..
انما الفيلم فيه مشهد للبطلة في الحمام .. مش فاهمة ايه هدفه غير انه مثير للقرف ..
الفيلم أتعرض في مهرجان كان .. واخد جائزتين .. واترشح لأوسكار ..
وبغض النظر عن تحفظاتي علي بعض مشاهد الفيلم .. لكن القضايا الي فيه تستحق الاهتمام