شاهد .. أسما شريف منير تحتفل بعيد الأم وتنشر صور أمهاتها الـ5

mlira.com/bundles/fosckeditor/plugins/magicline/images/icon-rtl.png?t=L4KA) center no-repeat #ff0000;cursor:pointer;top:-1px; border-radius: 0px 0px 2px 2px;" title="إدراج فقرة هنا">↵

احتفلت خبيرة التجميل المصرية أسما شريف منير بعيد الأم اليوم، في 21 آذار/مارس.
ونشرت أسما عبر حسابها الرسمي، 5 صور لسيدات غير معروفات، وأرفقتها بتعليق، أعربت من خلالها عن تقديرها لهن، ووأكدت أن جميعهن أمهاتها ويساندنها في جميع الأوقات.
وكتبت أسما في تعليقها: "الحقيقة يوم عيد الأم ده يوم مؤلم اوي بالنسبالي رغم ان امي توفت من ٢٠٠٧ يعني من ١٧ سنة، بس لسه وحشاني بفتقدها في حياتي و كنت اتمني تكون جنبي في حاجات كتير، كان نفسي تشوف لارا، كان نفسي اعيش معاها و تملي عليا البيت و اخدمها و ادلعها زي ما عملت معايا و تعبت معايا، ربنا يرحمك يا امي و يدخلك فسيح چناته".
وأضافت أسما: "بس عشان ربنا كريم أنا عندي دلوقتي مش ام واحده عندي ٥ (ماشاء الله) ربنا يحفظهم و يبارك في عمرهم و يخليهم ليا العمر كله، اللي بتدافع عني و اللي بتدلعني و اللي بتحضني و اللي بتأكلني و اللي بتسأل عليا و اللي بطبط عليا و اللي بتطمن اني كويسه كل ست في الستات العظيمة دي، عوض كبير ليا و عيلتي و حبايبي و اهم ناس في حياتي، بحبهم من قلبي و اعمل اي حاجة في الدنيا عشان أشوفهم سعداء، بحبكم كلكم و شكراً علي وجدكم في حياتي(حنونه، اموله، ميمي، سوسو و بسبوسة)عوض كبير ليا بعد امي حبيبتي و نور عيني".
وتابعت أسما في تعليقها: "و علي فكره زي ما هما إمي أنا ساعات كمان بكون مامتهم عشان هما كلهم cute اوي".
وعن ابنتها لارا قالت: "يا رب يا لارا اكون ام صالحه ليكي و يفضل في قلبك حب ليا و لين قلبك عليا لما اكبر او تختلفي معايا او تزعلي مني..بحبك يا نور عيني واحلي بنت في الدنيا".
وختمت أسما تعليقها: "كل سنة و كل ام طيبة و جدعه و جميله و حموله…ربنا يسعدكم و يقويكم و خليكم لأولدكم يا رب ".