حسين فهمي: لو شفت محمود قابيل مش هسلم عليه أبداً

-الفنان محمود قابيل قال انه يتمنى يكون شنطة في ايد ميرفت أمين .. ايه تعقيبك ع الكلام ده ؟؟
=اعقب على ايه ؟! واحد عايز يكون شنطة اعمل ايه !! .. شنطة هأأ !
-هل ده سبب الخلاف والقطيعة بينكم ان انتو الاتنين بتحبوا نفس الست ؟؟ هو فعلا اعترف انه بيحبها من طرف واحد
=لا لا خالص معرفش القصة دي ومتهمنيش ولا عندي فكرة عنها .. بس انا عمري ما كنت شنطة في ايد حد الحقيقة !
-طب لو شفته في مكان عام دلوقتي هتسلم عليه ؟
=شفنا بعض كتير ومسلمتش عليه
-بعد مرور الوقت ده كله لسه مصفيتش ؟! الخلاف بينكم بقاله سنين هل السبب كان كبير اوي للدرجة دي ؟!
=اه طبعا ولا عمري هصفى ، لانه المفروض كان صاحبي
-طب هو رفع عليك قضية وخسرها وانت اللي كسبتها ، بعد ما كسبتها مش المفروض انك تكون خلاص المسامح كريم ؟!
=لأ انا مش كريم .. انا حسين