ماذا فعل فطين عبد الوهاب يوم مات شقيقه سراج منير

كنا بنعمل فيلم اسماعيل يس في الاسطول اخراج فطين عبد الوهاب  وكنا واقفين الصبح في المشهد بتاع المنط اللي اسماعيل يس بينط فيه في البحر

المهم بصيت لقيت فطين بيوشوش محمود فريد وبعدين مشي .. فجريت عليهم حسيت ان في حاجة.. ايه يا محمود في ايه .. قالي سراج منير توفى !!!

فاكر اليوم ده كويس .. فطين شرح لمحمود فريد اللي هو عايزه في اليوم ده وسافر راح الجنازة واشتغلنا من غيره اليوم ده .. وتاني يوم كان موجود عشان يكمل الفيلم رغم ان اللي مات ده اخوه.

️ الفنان احمد رمزي من برنامج ساعة صفا

#حكاوي_ورا_الكاميرا