باسل النجار = الرياض في السبت 10 سبتمبر 2022 01:43 مساءً - حل مطرب المهرجانات عمر كمال، ضيفًا علي برنامج “تفاعلكم”، المذاع علي فضائية العربية، وحرص كمال علي الكشف عن حقيقة ارتباطه، مشيرًا إلى أنه مر بتجربة ارتباط واحدة، وكان على وشك الزواج ولكنه انفصل عن خطيبته، بجانب الحديث عن أمنيته في الزواج.
حيث قال عمر كمال : “مش أي واحدة بظهر معاها في صورة يبقى مرتبط بيها لو كدا يبقى هتجوز الدنيا كلها، وأنا كان ليا تجربة ارتباط من فترة ومحصلش نصيب وفرحي كان هيبقى آخر الصيف ده، وعمري ما هقول اسمها عشان مدفعش فاتورة غلطاتها، وهيقولوا خطيبة عمر كمال عملت كذا وراحت فين”.
وتابع : ” الحب دا رزق أنا عندي 31 سنة وحبيت مرة واحدة في حياتي، ونفسي ألاقي زوجة صالحة تصوني.. نفسي أفرح.. ولو ارتبطت هقول لأني إنسان صريح ولكن هعلن لما أكون ماسكها وهي جنبي على الكوشة، ومش هغني في فرحي لأني غنيت في أفراح كل الناس وتعبت”.
وتطرق عمر كمال للحديث عن أزمته الأخيرة بسبب حفلته في المملكة العربية السعودية، قائلًا: “مش قصدي أعمل جدل، اللي حصل إني روحت السعودية وهما معروفين بالتمر والحليب والطابع الديني وبهزر مع الناس في الحفلة وبقول ضمن الأغنية: «وأشرب تمور وحليب” والجمهور كان مبسوط ومتفاعل معايا”.
واختتم حديثه قائلًا: “الموضوع أتحرف ومعرفش الناس زعلوا ليه؟ أنا بعشق السعودية وناسها.. وأنا بقيت أقفل بوقي لأن مهنتي هي إني أعدل مزاج المواطن العادي وأبسط الجمهور بالأغاني”.