باسل النجار = الرياض في الأربعاء 14 ديسمبر 2022 03:19 صباحاً - قال الفنان الشاب عمرو عبد العزيز انه علاقته مع الفنان عادل امام غريبة وطريفة وكنت اقف في شارع الهرم في وقت متاخر ، ووجدت سيارة تخرج من شارع جانبى و هناك شخص يلوح لي بيده ” تعالي” ، فقلت واحد تايه بيسال على عنوان اقوله ، وذهبت وكانت المفاجأة الزعيم “عادل امام ” .
واضاف عمرو خلال لقاءه مع الاعلامى دكتور عمرو الليثى ببرنامجه واحد من الناس على شاشة الحياة ، من شدة فرحتي لم اشعر بنفسي وقدمي لم تتحرك، فقال لى الاستاذ عادل ايه اللى موقفك فى الشارع دلوقتى فتهتهت فى الكلام فقال لى بتقول ايه انت ، و بتعمل ايه شغل ايه دلوقتى فقلت له بعمل مسرحية فقال فى المسرح الصغير ده فقلت اه ، و قال لى انت كويس و انا هجيبك معايا فى دور بس اوعى يصيبك الغرور او تتنك علينا فقلت لا طبعا يا استاذ و سابنى و مشي ومن هنا كانت البداية الحقيقية في مشواري الفني من خلال فيلم مرجان احمد مرجان .
وتابع عمرو وعندما عدت الي البيت وجدت امى بتصلى الفجر، و قولت ليها انا قابلت استاذ عادل امام فى الشارع فقالت لى وماله ربنا يهديك ادخل نام بس و الصبح نبقى نشوف الموضوع ده و بتتريق عليا ، و الصبح بحكيلها فقالت لى انت اهبل مين ده اللى وقفلك .
و اشار عمرو الى انه كان صديق للاستاذ عزت ابو عوف و كان فى مرة عنده فى المسرح و فوجئت بالاستاذ عادل داخل علينا من الخضة لم اسلم عليه فقال لى مش اد المقام احنا و لا ايه مش هتسلم على اللى جابونا فقلت ليه لا يا استاذ مقدرش ، فقال لى بعد ما تخلص مشاهدة العرض تعالى عاوزك ، و كانت ابطئ ٣ ساعات فى حياتى لا ركزت فى العرض و عاوزه يخلص علشان اشوف الاستاذ عاوزنى فى ايه ، و قابلنى و قالى تعالى عاوزك يوم الثلاثاء فى مكتبى تجي لى و حكى لى على فيلم مرجان احمد مرجان ، و عملت بروفتين ترابيزة مع الاستاذ عادل و الاستاذ على ادريس ، و هما لديهم اهتمام شديد بكل التفاصيل ، حتى ان استاذ عادل فى مشهد البيت قالى احنا عاوزين نجرى ورا بعض زى توم وجيرى ، و ذاكرت الدور كويس و عملته ، و الاستاذ عادل زود لى مشهد المستشفى و قالى تدخل تبص على الغرفة و تبصلى و تلف و ترجع تانى من غير و لا كلمة ، و عمل ردود فعل كويسه ، فقال لى مش قولتلك المشهد ده السوكسيه بتاعه عالى ، و عملت معاه مسلسل استاذ و رئيس قسم ، ضيف شرف مشهدين بناء على طلبه شخصيا لانه بيحبنى .