باسل النجار = الرياض في الأربعاء 21 ديسمبر 2022 05:19 مساءً - علقت الفنانة إلهام شاهين على ظاهرة التعصب وفهم البعض للأديان بطريقة خاطئة ونشر أفكار غير صحيحة.
وخلال كلمتها بالجلسة الثالثة لمنتدى حوار الثقافات بالهيئة القبطية الإنجيلية أكدت إلهام شاهين على ضرورة محاربة التعصب بشتى الطرق من قبل الدولة عن طريق منع ظهور أي شخص يتبنى هذه الافكار المتعصبة والعنصرية وقالت “لازم نتكلم بصراحة لو عاوزين نمنع التعصب، الدولة تمنع ظهور أي شخص يقول آراء متعصبة على الشاشات، وفي ناس ثقافتها محدودة فبتتأثر، الغلط مش في الدين، ولكن في من يفسر الدين، لما حد يقول اللي مش بيصلي يستتاب ثم يقتل، طيب وأنتم مالكم لو عاوز ربنا يموته أو يعاقبه، ربنا هو اللي بيحاسبنا مش البشر”.
وتابعت إلهام شاهين “شفت شيخ يقول آراء عنصرية، منها إن المسلم ممكن يتجوز مسيحية لكن لا يعاملها بالحسنى، وشيخ آخر عنده عنصرية ضد المرأة ويقول إيه يعني زوجك يضربك بعد ما شاف عورتك، هل هذا كلام محترم يقال على الشاشات؟”مضيفة “وآراء كتير زي إيه يعني واحد مريض متعالجوش أنتم كده هتاخروا لقائه بربه، وليه يكون في زراعة أعضاء سيبوه يموت، يعني لما تلاقي أبوك وأمك مريض ومحتاج لزراعة أعضاء فتمنع الخير وتقول سيبوه يموت؟