باسل النجار = الرياض في الثلاثاء 27 ديسمبر 2022 01:25 مساءً - قالت المطربة حنان انها تعتبر الموسيقار الكبير الراحل عمار الشريعى اب لها ، و فى الاول انا كنت خايفه منه اوى وبعد كده بقينا اصدقاء اوى لدرجة انى كنت بسأله فى حاجات وامور خاصة فى حياتى .
و اضافت حنان خلال الجزء الاول من حوارها معى الاعلامى دكتور عمرو الليثى ببرنامجه واحد من الناس على شاشة الحياة ، بداية معرفتى بالموسيقار عمار الشريعي انه كان عامل مسابقة للاصوات و كان المعهد كله بيروح و انا كنت رافضة جداً انى اروح لانى كنت لسه فى سنة اولى ثانوى ، و مش عاوزه اتحط فى موقف كده و انا اصلا بطبعى جبانه .
و تابعت حنان كان عندى دكتوره بتدينى مادة العود اصرت ان اذهب الي المسابقة ، و كنت بتهرب منها لكنها قالت لى لو لم اذهب هتسقطنى فى مادة العود ، فذهبت فعلا و استاذ عمار حس بخوفى ، و غنيت اغنية لشادية و اغنية لليلى مراد ، و طلب منى انى اغنى لام كلثوم و كنت حافظه اغنية واحدة ” اروح لمين ” فانبسط منى جدا و قال لى صوتك حلو و انتى هايله ، و كنت فى قمة سعادتى ، و من اعز الاغانى اللى غنيتها فى فرقة الاصدقاء اغنية عملها لى الاستاذ عمار اسمها ” كان عندى طالب خايب قال بيحب ” و دى كانت اول اغنية غنيتها فى الفرقة .
وعلي جانب اخر اشارت الي انها كانت سعيدة بتجربتها في فرقة الاصدقاء وهي فرقة غنائية أسسها الموسيقار الراحل عمار الشريعي عام 1980 وأعضائها حنان ومنى عبد الغني وعلاء عبد الخالق. و من أشهر أغانيهم أغنية الحدود
واشارت الي انها انسحبت من فرقة الاصدقاء لانها للاسف تزوجت صغيره جدا وهي فى الصف الثالث الثانوى ١٨ سنة تقريبا .