باسل النجار = الرياض في الاثنين 2 يناير 2023 09:01 مساءً - قالت يسرا إنها لا تعترف بجملة “أنا كبرت” وأنها تعتبر أن العمر مجرد رقم.
وخلال لقائها في برنامج “كلام نواعم” عبر قناة mbc1، قالت يسرا “أنا بحب أكون سعيدة واستمتع بحياتي في كل ثانية وعمري ما فكرت أقول مينفعش أعمل كدا عشان كبرت”.
وأضافت يسرا “بحترم السن اللي وصلتله، الناس هتقول انتي بترقصي في أماكن وبتغني.. طبعا برقص وبغني أنا بني أدمة بحب أنبسط وأرقص وبحب الناس اللي معايا يكونوا مبسوطين، العمر مجرد رقم”.
وخلال اللقاء أكدت الفنانة يسرا أنها لا تشعر بالحزن لأنها لم تنجب أطفالا بل على العكس تحمد الله على ذلك.
وقالت يسرا: وأنا في التلاتينات كان عندي هاجس أني لازم أبقى أم لأني معطاءة بطبعي كنت هموت وأخلف، وبعدين حصل أني فقدت طفلين في جوازتي الأولى، لما اتجوزت خالد قولتله نخلف ملقتوش مبسوط من الموضوع دا وقال نشوف.
وتابعت: قولت مش عاوز يخلف مني وسألته إن كان قلقان أني مكونش أم كويسة قالي أنتي الست الوحيدة اللي أتمنى أخلف منها لكن الزمن اللي هنخلف فيه على بال ما يكبر بعد 20 سنة هتبقى حياة مختلفة مش هيشوفوا اللي إحنا شفناه هتبقى حياتهم أسرع وسطحية وأنا مش عاوز أشوف عيالي كده، وأنا بعد فترة اقتنعت وبقول الحمد لله أني مخلفتش.