باسل النجار = الرياض في الاثنين 13 فبراير 2023 08:45 مساءً - علقت الفنانة الشابة منة عرفة، على الهجوم الذي تعرضت له عندما تم تسريب صورها بالمايوه على مواقع التواصل الاجتماعي، حيث قالت في تصريحات تليفزيونية: ثواني هو لبس البحر إيه؟ المفروض ألبس إيه ع البحر إسدال؟! لأ لبس البحر هو لبس البحر.. لو رايحة تسهري بتلبسي لبس سهر وكل مكان ليه لبس
وأضافت: أنا زيي زي أي بنت مش لازم أقولك فنانين.. لأ كل البنات في سني وأصغر مني بيروحوا البحر ويلبسوا مايوه أشمعنى أنا ما ألبسش؟ مش أنا حرة؟ طيب أشمعنى أنا ما أعيش حياتي زي ما الناس كلها عايشة؟ أشمعنى في ناس بتعمل الكلام ده وما بيتقالش عليها حاجة؟!
وتابعت: أنا زي أي شخص مش زي أي فنان.. أنا زي أي شخص طبيعي بيمارس حياته الطبيعية بالشكل الطبيعي.. في الصيف بروح أصيف.. في الشتا بقعد في بيتنا.. دي حاجة طبيعية الناس كلها بتعملها.. لكن الحاجة اللي هتقعدلي في شغلي أنا حابة إن أنا أقدم نفسي.. أنا ما طلعتش قولت اللي بيتباسوا دول ناس مش عارفة إيه أنا بتكلم عن نفسي.. أنا بعد 20.. 30.. 70 سنة زي ما قولتلك هيبقى عندي أطفال إن شاء الله الأطفال دول حاباهم يبقوا شايفين أمهم بصورة معينة.. حياتي بقى أنا حرة فيها هرجع أستغفر يا ستي ربنا هيسامحني.. لكن الحاجات اللي هتقعد لي أنا حرة أتحكم فيها من دلوقتي