باسل النجار = الرياض في الاثنين 20 فبراير 2023 05:21 مساءً - قال الفنان سامح حسين ان واحد اسمه امين نصب عليا ، وكنت عايز اخلص اوراق و انا عندى فوبيا من الاماكن الزحمة و امين ده طلب منى انه يخلصلى الاوراق و اخد فلوس منى و مشي .
و تابع سامح حسين خلال حلوله ضيفا ببرنامج واحد من الناس مع الدكتور عمرو الليثي انه عمل قبل كده فى النقاشة و كنا بنعمل عمارة من الخارج و كنت شغال فى الدور ال ١٧ متعلق على ثقالة و بعدين اتحركت من مكانها كنت هموت ، و حصلت لى احداث كثيرة كنت على طول بتكهرب لدرجة ان شعرى ابيض منذ ثانوى عام .
و اضاف انه عمل ايضاً ملقن بالمسرح ، و منفذ اضاءة و انا نظرى ضعيف اصلا ، انا من النوع المسرف جداً ، و قررت الم نفسي بعد ان انجبت بنتين .
و تابع حسين انه من المواقف الغريبة فى بداية حياته الفنية ، انه كان راكب اتوبيس و نزلت منه فى شارع التحرير وقابلنى شخص و قالى انا معجب بيك جداً بس مش عارف اسمك و عاوز اتصور معاك ، و قال لى انه مش معاه موبايل و طلب نتصور فى استوديو و قعدنا ساعة بنلف على استوديو نتصور فيه فى الدقى و عزمته على عصير قصب و قلت الحمد لله انه لم يرانى و انا نازل من الاوتوبيس .