باسل النجار = الرياض في الجمعة 3 مارس 2023 04:11 مساءً - الفنانة ماجدة الخطيب تتحدث في أحد برامج زمان مع الإعلامية صفاء أبو السعود، عن قصة شاب مصري ضحك عليها وفهمها إنه أجبني من بورتريكو..
إليكم القصة:
“في الفترة اللي بعد طلاقي ، كنت بخرج ألعب رياضة في أحد النوادي و مرة هناك اتعرفت على شاب و قدملي نفسه انه أجنبي من بورتريكو ، خلاص أجنبي أجنبي .. عرفته انا على كل اللي اعرفهم ، سميحة ايوب و سعد وهبة و كله ، كنت بأخده ألففه و افرجه على مصر ، اوديه الاهرامات و اوديه المتحف المصري ، و هو يسمعني موسيقى كلاسبكية ، بيتهوفن و بافاروتي ، و تطورت العلاقة و كنا خلاص هنتجوز ، مرة كنا طالعين من مطعم و حد ندهه باسم “محمود ” هو اتعـ ـصب و ما ردش ، هو كان قايلي ان اسمه ” ازمالا ” ، انا استغربت لكن قولت يمكن حد شبهه ، اتكررت الحكاية دي ٣ مرات ، لحد ما عرفت انه مصري عادي و من السيدة زينب ، و انا رايحه جايه بيه ع الهرم مرة و القلعة مرة !