دوللي شاهين: والدي قطعلي الجيبة القصيرة وكان نفسى أخلص من تخلفه

الثلاثاء 13 يونيو 2023 01:44 مساءً - كشفت الفنانة دوللي شاهين عن الكثير من الأسرار التي توجد في حياتها الشخصية، وتحدثت عن طفولتها وعلاقتها بوالدها والتي كانت متوترة بشكل مستمر، والتأكيد على أنها ركزت على أهداف التخلص من قيود والدها.

دوللي شاهين

وأكدت دوللي شاهين في العديد من التصريحات التلفزيونية، قائلة “طفولتي  مكنتش لطيفة جدًا واللي فكراه إني في سن مُعينة كنت عاملة زي الولد وبتعامل زي الولد وشقية جدًا، وعلاقتي بـ أهلي ووالدي بالذات ماكنتش كويسة، ولكن والدتي كانت ملاك”.

طفولة دوللي شاهين ومشاكلها مع والدها

واستكملت دوللي قائلة “بابا أثر فيا أكتر من ماما لأن شخصيته قوية جدًا وماما اتجوزت بابا وهي عندها 14 سنة وهو كان عنده 34 سنة، ونقدر نقول إن هو اللي ربى ماما، وغلط جدًا أن حد يتجوز بفرق السن الكبير ده، والمنطقي إن الراجل يكون أكبر من الست بسنتين مثلًا وعادة الست بتنضج أسرع من الراجل، وبتستوعب الحياة أسرع، لأن التربية الشرقية للأسف بتربي البنت أنها تشيل المسؤولية والبيت بدري”.

فتي أحلام دوللي شاهين

وتابعت قائلة “ماكنش عندي فتى أحلام، بابا كان راجل شرقي بزيادة وكان عنده قيود كتيرة وكان كل أحلامي إني أتحرر من قيوده، قبل ما أفكر مين فتى أحلامي، أول جيبة لبستها في حياتي جاتلي هدية وأنا عندي 13 سنة قطعهالي عشان يقهرني ويضايقني، وبقى هدفي إني أتحرر من العقلية المتخلفة دي اللي أنا عايشة فيها، هو كان شايف إني مش حلوة وأنا دايمًا بقول البني آدم اللي عنده مشاكل بتكون من الطفولة وممكن والدي كان كده، أكيد هو مش بيكرهني ولكن كان بيخاف عليا بطريقة تخليه يقفل عليا بزيادة، فأكيد هو شاف أو عاش حاجة خلته كده”.