الحسد نيمني في السرير.. فيفي عبده تكشف تفاصيل أزمتها الصحية

الاثنين 10 يوليو 2023 04:26 مساءً - قامت الفنانة فيفي عبده بالكشف عن تفاصيل تعرضها إلى أزمة صحية خضعت بسببها إلي عملية جراحية، وتمت الإشارة إلى أنها محسودة وأن أحد الأشخاص صنع لها عمل من الأعمال الخاصة بالدجل والشعوذة.

تفاصيل أزمة فيفي عبده الصحية

وتفاصيل أزمة فيفي عبده الصحية قالت عنها “بحثوا على عروق في إيدي مفيش ولما عملولي فحص اكتشفوا أن القلب فيه رفة، روحت لدكتور قلب وخدت بنج وعملولي منظار عشان يطمنوا على القلب ولما اطمنوا كانوا مجهزين اوضة العمليات بتاعه العمود الفقري، ولما سافرت عشان اتكرم فوجئت وأنا بحط رجلي على السلم لقيت رجلي تقيلة ودي كانت مفاجأة بالنسبة لياش قدام الناس ومكنتش قادرة أطلع عشان اتكرم”.

وتابعت قائلة “وأنا داخله أعمل العملية قلت لربنا لو قمت كويسة لازم أروح حتى على كرسي، فجأة لقيت الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة.

وقالت فيفي عبده، قائلة “أكيد مليون في المية معمول ليا ما أتحركش من السرير ولو أعرف مين عامل ليا العمل أقول له أبوس رجلك فكه ليا حرام عليك أفضل في السرير أقوم من حاجة ألقي حاجة حرام”.

حديث فيفي عبده عن الحسد

وتحدثت فيفي عبده عن الحسد قائلة “لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا، ومش عاوزة اكئب الناس لأن الناس دي بتصحى من النوم تشوف صفحتي ويشوفوا عاملة إيه”.

وانهت فيفي قائلة “الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة تاج ولو مال الدنيا معاك لو مفيش صحة يبقى أنت مش معاك حاجة”.