باسل النجار = الرياض في الثلاثاء 19 سبتمبر 2023 04:15 مساءً - نشرت صفحة سكريبت، على الفيسبوك حوار للراحلة رجاء الجداوي عن زوجها الراحل وكيف تعرفا على بعضهما وكيف تم الزواج ومدي حبهما لبعضهما .
وقالت الجداوي :” من تالت يوم إتعرفنا فيه علي بعض قالي عايز أتجوزك في الطيارة .. قلتله انت بتقبض كام ؟ .. قالي ٥٥ جنيه .. قولتله في اليوم ؟!! .. قالي لأ في الشهر ، بس كان عندي السبب إن أنا عايزة أتجوز .. كانت أمي بتموت ونفسها إن أنا أتجوز .. فكان العقل هو المسيطر أكتر من القلب
= يعني ما حسيتي حالك إنغرمتي فيه دوغري ؟
_ لا أنا حبي ل حسن إبتدي بعد الجواز .. حب إستمر ٤٦ سنة ومستمر معايا لغاية النهاردة وبكرة ولغاية ما أموت ، أنا حطيته فوق راسي لأنه كان راجل اوي وشهم اوي ومحب وحنون وكل حاجة ، إشترينا الدبلتين وكانوا ب ٣١ جنيه .. هو كان معاه ١٢ جنيه وأنا معايا ١٨ جنيه وجيبنا الدبل وكان ناقص جنيه .. ف كتبولي أنا حسن محتار وإديتلهم الجنيه علشان يزودوا النقطة بتاعة ال خ ، أسعد أيامي عيشتها معاه .. وفضل يدي سعادة وحب وإحتواء لغاية ما إتوفي قدام عيني وهو بيدعيلي .. يعني واحد بيقولك خلي بالك من نفسك وربنا هيكرمك .. بس كدة
= هل مازال حسن عايش معاكي ؟
_ اه طبعا ، أقولك حاجة .. أنا برش البارفان بتاع جوزي ع المخدة اللي جمبي بتاعته
= الليلة ما بعد موته لما رجعتي علي غرفتك وقعدتي في السرير ، القلب كان عامل ايه ؟
_ جزء من قلبي دفنته ، شوفي الموت علينا حق ، ولكن الفراق صعب اوي.