باسل النجار = الرياض في الأحد 24 سبتمبر 2023 01:04 مساءً - شاركت الفنانة فريدة سيف النصر، متابعيها منشورًا عبر حسابها الرسمي على الفيسبوك، كشفت فيه عن تعرضها للسرقة، من السيدة التي تساعدها في المنزل، مشيرة إلى أنها تعرضت للسرقة لأكثر من مرة، ولكنها لم تستطع اتخاذ أي إجراء ضدها.
وكتبت فريدة سيف النصر قائلة : «أنا بتسرق بقالي شوية حلوين، لما يكون عندك حد نافعك أوي لأن مش أي حد يحب الكلاب، وانت كل شوية حاجات بتتاخد بجد مش هزار وحاجات باينة أوي يعني هدوم مش أي حاجة لازم ينقصوا يتاخدوا على نصين مرتين واختفاء قسري».
وأضافت: «ترجع ترمي لك نص فتتخيل انك انت اللي مادورتش وفجأة اختفاء كامل، ده بقى غير مفروشات قسما بالله أطقم كاملة بمخداتها ونظارات إكسسوار جزم أدوات مطبخ كاملة والله العظيم ما بقي في حاجة كاملة خالص أول بأول».
وتابعت: «ومافيش حد تاني بيعمل الحاجات دي خالص عشان تشك في اتنين، أول ما تغير مكان حاجه بحجة النظام اعرف إنها هتاخدها أو تلخبط الأدراج وكله يتكعبل في كله، أما أنا فانشغل في حاجات وحاجتي فعلا تختفي أعمل إيه».
واستكملت: «اواجهها وأنا مابحبش أحرج حد واجرحه ولا أمشيها واحتاس ودول عائلة كاملة نافعاني سواق نظافة ام مني غسيل، ولا اروح عندهم على غفله زي ماقالولي، وطبعا مش ممكن أبدا أعمل كده بس بجد زهقت ومحتارة».
واختتمت «سيف النصر» حديتها قائلة: «سرقة علني وطبعا بيتفتح عليا بالمفتاح وانا في سابع نومه، ومع الأسف بدي الأمان لكل الناس، تعبت والله تعبت حسبي الله ونعم الوكيل، قولولي اعمل إيه؟».