باسل النجار = الرياض في الأحد 1 أكتوبر 2023 10:46 مساءً - حل لفنان تامر حسني ضيفا ببرنامج معكم من الشاذلي وحكي فيه عن نفسه وهوا شاب وأحلامه وطموحاته .
– أقولها ازاي .. انت كنت في دويتو مع بهاء سلطان وقلدت صوته .. هو فيه كدة يا تامر
= أيه رأيكم في المفاجأة دي .. بعد العمر ده كله فاكرينه بهاء
– ازاي بقى حصلت ؟
= اتفقت أنا وبهاء نعمل أغنية وكنا خارجين من “قوم أقف وانت بتكلمني” لأنها كانت كلامي ولحني فـ حبينا نكمل سوا في حاجة تانية فـ قولت لبهاء تعالى نفاجئ نصر محروس ونعمل حاجة انا وانت قالي ماشي
واتفقنا على معاد وروحت الاستوديو بكلم بهاء مابيردش وفضلت مستنيه كتير مايردش ، المهم كلمته قولتله احنا كلنا مستنيينك يا بهاء يعني احنا صغيرين ده ينفع كدة راح رد عليا وقالي “وانت كمان يا حبيب قلبي” قولتله وانت كمان ايه؟ فـ المهم اكتشفت إن هو نايم
جالي أستاذ نصر بقى يقولي فين المفاجأة؟ قولت للي معايا في الاستوديو افتحوا المايك وقومت قايل الجزء بتاعي ، وقولت الجزء بتاع بهاء بس عشان أوصل الفكرة لنصر فـ طلع صوت بهاء
– ونصر سمعها ؟
= روحتله بيها بقى وبسمعهاله وعدى الحتة بتاعتي ، جت الحتة بتاعة بهاء أول ما بدأت قام قايل ” معللللللم ” قولتله استنى ياعم مين اللي معلم انا اللي معلم .. قالي لأ أنا قصدي على الحتة بتاعة بهاء بص دخل ازاي ، قولتله ياعم أنا اللي دخلت .. قالي يعني أيه؟! قولتله ده مش بهاء أصلا
قالي انت هتسـTـعبط ولا أيه يعني أنا مطلعكم وتقولي كدة ، ويسمعها كتير يقولي لأ بهاء قولتله والله أنا .. وعايز أقولك الأغنية اتسربت ومكناش قاصدين ننزلها كدة
– وبهاء مزعلش ؟
= بهاء بقى يكلمني يقولي أيه يا تمور الأغنية دي؟ بتتطلب مني في كل حتة أعمل أيه أنا مش حافظها ولا عارف بتاعة مين .. فهمته الموضوع وقولتله حلوة وعاجبة الناس توكل على الله وغنيها