باسل النجار = الرياض في الجمعة 27 أكتوبر 2023 04:16 صباحاً - قال محمود المليجي : الحياة غريبة الواحد ينام ويصحي وينام ويصحي ومات..
محمود المليجي عنده تصوير في فيلم أيوب مع عمر الشريف قصة نجيب محفوظ وإخراج هاني لاشين.
ومع وضع لمسات الأخيرة للتصوير والمكياج طلب المليجي والشريف قهوة وضحك المليجي وقاله ” يا أخى الحياة دى غريبة جدا الواحد ينام و يصحى و ينام و يصحى و ينام و يشخر” وخلص الجملة وراح ممثل إنه نايم، وضحك الناس من صدق المليجي في تمثيل المشهد حتى لو مش قدام الكاميرا.
وطول في التمثيل لحد ما عمر قاله ما كفاية يا محمود.. بس محمود ماردش، وماكنش بيمثل، محمود كان مات بجد، محمود أكد على صدق جملته الأخيرة إن الحياة دي غريبة جدا.
ممدوح الليثي منتج الفيلم ساعتها خده على البيت وكان الاسانسير عطلان وشاله لجد الدور الخامس لشقته هو ومراته الفنانة علوية جميل وقالها بس هو تعبان شوبة ودخله على السرير وهي ماتعرفش إن زوجها مات وهو بيشرح عبث الحياة