الاثنين 18 أبريل 2022 07:40 صباحاً - قام الإعلامي عمرو أديب بتوجيه رسالة إلى وزير الصناعة والتجارة والحكومة بعد إصدار قيود للحد من الاستيراد، وتعد من أبرز الأشياء التي انتشرت في الساعات الأخيرة الماضية، وأثارت حالة من التساؤلات الكثيرة حولها.

رسالة عمرو أديب إلى الحكومة

وجاءت رسالة عمرو أديب إلى الحكومة قائلاً “لو أنتو ضد الاستيراد اقفلوا البلد، هو في حد في العالم بيعيش لوحده، وقرار وقف الاستيراد على المنتجات الواردة من الخارج يؤثر في بعض الشركات والمصانع الكبيرة في مصر ومن ثم العمالة والتشغيل”.

الاعتمادات على الاستيراد بتتأخر بسبب البيروقراطية

وأشار عمرو أديب أثناء برنامج الحكاية التي يبث على قناة “إم بي سي مصر 2″، قائلاً “الناس اللي بتستورد حاجات مهمة النهاردة الاعتمادات الخاصة بالاستيراد بتاعتها بتتأخر بسبب البيروقراطية ودا هيؤثر في وقف الشغل في المصنع والمصنع هيروح مسرح العمالة، وهي شركة زي آبل أنت طالب منها شهادة جودة بأمارة إيه ويونيليفر دي عايز منها شهادة جودة إيه، وفيه شركات سعودية مهمة عايز منها حاجات ما لهاش لازمة ودا بيؤثر في اقتصادنا في ظرف صعب”.

أديب يتحدث عن خطابات الجودة

وأضاف أديب قائلاً “آبل إزاي تقدم جواب جودة وشهادة منشأ وفروع مصانعها في الخارج، يا جماعة ليه بنعمل في نفسنا كدا وإيه الميزة العظيمة يعني، وهو أنتو ضامنين إن كل سلعة بتدخل شايفينها، طيب قسموهم درجات في شركات درجة أولى ما تعملوش معاها الروتين ده”.

عمرو أديب ينادي بحرية التجارة العالمية

وتابع قائلاً “طبطب على الشركات والمصانع اللي حاطين مليارات ومشغلين عمال، والشركات العالمية دي هتقلب الدنيا في بلادها لأنها بتدير الانتخابات مثلًا في الاتحاد الأوروبي، طب فين حرية التجارة يا مصر، ولو عايزين توقفوا وقفوا بس ادفعوا الثمن.. إزاي أروح أقول لمرسيدس هاتلي شهادة جودة دول هما اللي عملوا الجودة، يا جماعة اللي بيحصل ده هيقلل العرض في السوق والأسعار هترتفع”.

وقال “هو أنتوا مكن مش عايزين دولار يخرج، ولكن هل دا وعد مصر للخارج فيما يتعلق بالتجارة الحرة، والبلد اليومين دول مش عايزة قرارات عاملة كدا، أرجوكم رفقًا بالاقتصاد والحياة، وأنا ما نفسيش أشوف حد برا شغله، ولازم يبقى فيه مجموعة اقتصادية يكون ليها رؤية كويسة”.