الخميس 25 يناير 2024 10:16 صباحاً - جاءت رسالة طمأنة من السيسي للمصريين بخصوص الأسعار والدولار اليوم أثناء الاحتفال بالذكرى الـ 72 لعيد الشرطة، وقال أن الحكومة حرصت على طرح وتقديم رؤية لحل الأزمة الخاصة بالدولار في الوقت الحالي، وتقدم الكثير من الخدمات لكل المواطنين بالجنيه المصري، وذلك في حين أنها تحصل عليها بـ الدولار.
رسالة طمأنة من السيسي للمصريين
وقالت رسالة طمأنة من السيسي للمصريين أثناء الاحتفال بعيد الشرطة، قائلاً “أنا ببقي محتاج أجيب سلع أساسية في الشهر بمليار دولار، طب أنا ببعيه للناس بإيه؟ بيعه بالجنيه، طب عايز وقود بقد إيه، وده غير الرقم اللي مصر بتنتجه، بنتكلم في مليار دولار تاني”.
وتابع قائلاً “أنا بقول رقم ممكن يتحفظ، لكن يزيد شوية أو يقل شوية، ومحطات الكهرباء بتستهلك غاز يساوي مليار دولار، يبقى 3 مليار دولار مقدرش موفرهمش لأنها حاجات أساسية، الأرقام دي إذا مكنش الدولة المصرية بكل اللي فيها يعملوا على إن مواردنا من الدولار تبقى أكثر أو تساوي إنفاقنا، هيبقى دائمًا عندنا المشكلة دي”.
كلمة الرئيس السيسي عن الأزمة الاقتصادية
وقال الرئيس السيسي أن استقرار الدول والحفاظ على كلاً من أمنها ومستقبلها أمر لا تتحمله كلاً من القيادات والحكومات بمفردها، ولكن يجب أن يتحمله كل أفراد الشعب، لأنهم جميعاً مسئولين عن أمن مصر واستقرارها ومستقبلها.
وتحدث في كلمته قائلاً “العالم يعيش في وضع صعب ومضطرب، وخاصة في دول المنطقة، أنا عارف إن الحياة صعبة والأسعار غالية، بس أنا عايز أقولكم يمكن ربنا أراد إن إحنا نشاهد مشاهد قاسية جدًا، بنتكلم النهاردة في أكثر من 25 ألف شهيد من المدنيين وثلثي هؤلاء الشهداء من النساء والأطفال في قطاع غزة، وأكثر من 60 ألف مصاب والتدمير الكامل للقطاع”.
وتابع “الكلام ده بستدعي به قد إيه إحنا بنواجه ظروف على حدودنا الغربية والشرقية والجنوبية، إوعوا تفتكروا إن الأمور دي بتعدي ولا يكون لها تأثير علينا وعلى اقتصادنا، كل حدث من دول بيبقى له تداعيات، كل حاجة تهون.. المهم سلامة مصر.. وعاوز أقولكم كل اللى مر وبنعاني منه بفضل الله وهو يسمع ويرى هينتهي إن شاء الله.. كل سنة وانتم طيبين.. يا رب احفظ بلدنا واحميها واكفيها من فضلك شكرا جزيلا والسلام عليكم ورحمة الله”.
