الاثنين 28 فبراير 2022 03:20 مساءً - قال الرئيس عبد الفتاح السيسي،: “بقابل ناس في الشارع تقولي أنا زعلانة منك، أقولها ليه تقولي أصل عندي 6 عيال، أقولها طب أعمل إيه”.

وتابع الرئيس السيسي، خلال فعالية المشروع القومي لتنمية الاسرة المصرية بمركز المؤتمرات الدولية “الماسة” بالعاصمة الادارية الجديدة، بحضور عدد من الوزراء والمسئولين، اليوم الإثنين،: “والله انا بتكلم بجد وحياة ربي، بس هما ساعات مش بيجيبوا الحاجات دي في التلفزيون عشان محدش يزعل، قولتلها طب أنا عندي 100 مليون أعمل ايه، انتي عندك 6 ومش قادرة وانا عندي 100 مليون”.

واستكمل: “وبقول ده للدول اللي بتقول مبتدوش حقوق ليه للناس، حقوق إيه أنا مش لاقي آكل، أنا مش عارف أعلم، ومش عارف أعالج، ومش عارف أشغل، ومش عارف أسكن، روحوا المرج والمطرية والخصوص وخشوا وشوفوا لما بمشي في الشوارع بلاقي إيه، هي دي بلادنا اللي في رقبتنا، يا كل المسؤولين معايا انزلوا شوفوا البلد عاملة ازاي وبصوا بعين حقيقية”.