الاثنين 28 فبراير 2022 04:12 مساءً - قال الرئيس عبد الفتاح السيسي،: “اللي زي حالتنا مينفعهوش معدل تنمية 6، اللي زي حالتنا عايز 60 عشان أقدر أقدملهم خدمات وتعليم زي اللي بيقدموا في أوروبا ووعي وتوعية”.

وأضاف الرئيس السيسي، خلال فعالية المشروع القومي لتنمية الاسرة المصرية بمركز المؤتمرات الدولية “الماسة” بالعاصمة الادارية الجديدة، بحضور عدد من الوزراء والمسئولين، اليوم الإثنين،: “قوائم انتظار المرضى مش هيخلصوا وهيزيدوا رغم العمل بمعدل أكبر من المستهدف”.

واستكمل: “أنا مفتكرش هيكون فيه فرص للعمل والكفاح أد ما إحنا بنعمل بس إنتوا مش حاسين بده ومش واصلكوا لان في الآخر انت عايز تعيش برضا وانت مش عايش برضا”.

وتابع: “الحاجة غالية عليك وبتغلى ما إحنا مش منعزلين عن الواقع ونتأثر بما حولنا، العملية مركبة لأن الغلاء إتنين أولا معدلات نمونا مش متكافئة، أي معدل النمو السكاني لا يكافئ الاقتصادي، بالإضافة لعجز متراكم على مدار 50 سنة نحتاح مضاعفة عدد المستشفيات، الأطباء بتسيبنا وتشوف فرصة برا عشان عايزين يعيشوا لأني مش بديلهم مرتب كويس، أنا عايز أديلهم مرتب كويس بس مش قادر، المدرس عايزين نديله مرتب كويس لكن الدولة مش قادرة”.