الخميس 3 مارس 2022 02:37 صباحاً - اعترف المتهم بقتل الطفلة جنى أمام النيابة بجريمته كاملة، وهو الذي ارتكابها بالاشتراك مع آخرين في منطقة صفط اللبن الذي توجد ببلاق الدكرور في الجيزة، والقي جثتها في مياه الصرف الصحي في منطقة كرداسة.

قاتل الطفلة جنى في كلية حقوق

وجاء في الاعترافات التفصيلية التي أدلي بها المتهم حول ارتكاب جريمته، وهو الذي يدعي فايز أحمد علي البالغ من العمر 20 عاماً وهو طالب في الفرقة الثالثة بكلية الحقوق في جامعة القاهرة ويعمل عامل دليفري، واقر أنه هو من ارتكب الجريمة كاملة.

اعترافات صادمة لقاتل الطفلة جنى بالجيزة

وقال المتهم في اعترافاته “اللي حصل أني كان فيه واحد صحبي اسمه محمد على حسن بنقعد مع بعض على طول وكنت بقعد اشتكيله من ان الدنيا خربانة معايا وضيقة في الفلوس فاقترح عليا مرة نخطف حد ونطلب فدية، علشان نفك بيها الزنقة لأن فيه أقساط عليا وديون اتكومت والمكنة بتاعتى اتسحبت علشان مدفعتش الاقساط وأنا أصلا كنت عامل مشروع فراخ بس فشل وشاركت واحد بس خسرت والديون اتكومت عليا”.

واستكمل قائلاً “ولما محمد على صحبي فتح معايا الموضوع ده تانى قالى ان أهل جنى عاوزين يشتروا بيت قاللي ايه رايك في جنى أهلها شكلهم معاهم فلوس ومتقلقش ومحدش هيعرف وهتسد كل ديونك وهيبقى معاك فلوس زيادة وهتعرف ترج المكنة بتاعتك بس اديني مصاريف الموضوع وملكش دعوة وساعتها كبرت في دماغي لأني كنت محتاج الفلوس دي والناس عارفه أنه عليا ٢٧ ألف جنيه، وعليا كمان ١٨ ألف ومحدش يعرف عنهم حاجة”.

استكمال اعترافات المتهم بقتل جنى

وأستطرد المتهم قائلاً “دخلت جنى جوه الشقة وكان ن كان في حبل موجود طوله حوالي متر لونه غامق وكان حبل جامد وأنا ساعتها فكرت في الحبل ده أني استخدمه في أني أخنقها بيه وقررت خلاص وقبل ما أموتها قولتلها أنا عايزك تسامحيني ياجني وسألتها أنتي حافظة قرآن يا جني؟ قالتلي أه حافظة فقولتلها طب قولي (أشهد أن لا إله إلا الله وأن محمداً رسول الله ) وساعتها الحبل كان في إيدي وهي مكانتش واخدة بالها فقمت واخد الحبل من غير ما تأخذ بالها لأني كنت شاغلها في تنضيف الأزايز وجيت من وراها بالحبل وكنت ماسك طرف الحبل بأيدي اليمين والطرف الثاني بأيدي الشمال وجيت وراها وقمت معدي الحبل من قدام وشها وقمت خانقها بيه وبأيدي اليمين شديت طرف الحبل من الشمال وبأيدي الشمال شديت الحبل من اليمين وهي ساعتها كانت قعدة علي الارض ولما خدت بالها من اللي بعمله قامت وقفت”.

المتهم وضع جنى في شوال ورمها بمياه الصرف الصحي

وتابع قائلاً “وهي اتخنقت على طول مطولتش ووقعت علي ضهرها ميتة وأنا من رهبة الموقف قعدت حوالي ربع ساعة عشان فقدت التركيز بتاعي وببص حوليا لاقيت سجادة كبيرة لونها أحمر كانت مفرودة في الأوضة فنقلت جني علي السجادة ولفيت السجادة عليها عشان متبنش وبعد كده دورت على شوال في الحوش وحطيت السجادة اللي جني جواها جوه وبعد كده شلت الشوال وطلعت بيه فوق السطح ولما طلعت السطح دورت علي أكثر من مكان عالي أقدر أخبي فيه الجثة”.

وبالفعل لاقيت مكان جنب المنور محفور شويه وأنا كمان حفرت شوية عشان اخليه أعمق وبعد كده حطيت الشوال في الحفرة في الزاوية اللي جنب المنور وبعدين حطيت رمل فوق الشوال وردمت عليه، ورميتها في الصرف الصحي”.