الخميس 22 ديسمبر 2022 03:08 مساءً - علّق الإعلامي أحمد موسى، على ارتفاع أسعار الأرز في الأسواق المصرية على مستوى الجمهورية خلال الفترة القليلة الماضية.

وقال موسى، خلال تقديمه لبرنامج “على مسؤوليتي” على فضائية “صدى البلد” مساء الأربعاء: “سعر طن الأرز الشعير من المزارع 6.5 ألف جنيه لكن برا بيتباع بـ 8 و9 آلاف جنيه، لو أنت عملت سعر عادل للمزار اللي تعب وزرع وحصد كان هيجري يبعلك وهو كسبان وانت كحكومة كسبانة”.

أسعار الأرز

وأضاف: “وحتى لما قولت للمزارع بطريقة أخرى، مش هديك سماد ولا هتزرع تاني وهاخده منك وهحاكمك وهوديك النيابة والمحكمة مجاش برضو يبقى هنا في حاجة غلط، واللي بقوله ده هيزعل ناس كتير بس اللي يعنيني المزارع والمواطن ينزل يلاقي الأرز”.

وتابع: “مش بتقولوا عندنا اكتفاء من الأرز؟، هو كلام؟، وعلى الأرض مش موجود بوندور عليه ويقولك 2 كيلو مش 3، والأرز في الأول كان بـ 10 جنيهات لحد ما وصل 18 جنيها، القفزة في السعر الأخيرة ليه؟ يوصل 23 جنيها لو لقيته”.