الأربعاء 1 فبراير 2023 09:36 مساءً - “المدير في الشغل مبيحبنيش، المدير بيعاملني وحش”.. كلمات يرددها الكثير من الموظفين والعاملين في الشركات، دون أن يعلموا كيف يجعلون المدير يحبهم ويعاملهم معاملة جيدة، فكيف يمكن أن يحبك مديرك؟.

هذا ما كشفت الدكتور شريف صلاح الدين، استشاري التدريب والتطوير، حيث قدم طريقة سحرية لكسب المدير من خلال 3 جمل.

جمل تجعل مديرك يحبك

وقال “صلاح الدين”، خلال حواره في برنامج “صباح الورد”، المُذاع على فضائية “ten”، إن هناك بعض الكلمات التي تجعل المدير يحب الموظف ويعتز به ويقدره.

وتابع: “أول حاجة مهمة المدير عاوز يشعر بالتقدير، لو الموظف خبراته أعلى من المدير فكل ما يقف معاه لازم يحسسه أنه مش فاهم حاجة فبالتالي المدير هيكرهه، لانه بيشكل تهديد مباشر ليه وبيخليه يحس أنه صغير قدام نفسه، والمدير دايما بيخاف من نمرة 2 مش نمرة 4 أو 5، عشان كده نمرة 2 لازم يخلي باله ويكون حذر وهو بيتعامل مع المدير”.

وأشار إلى أن هناك 3 جمل على الموظف قولها للمدير بانتظام وبطرق مختلفة حتى يكسب حب المدير وتقديره وهم: “بيعجبني يا فندم فيك كذا، عارف اتعلمت من حضرتك ايه، عمري ما انسالك الموقف ده”.

وأضاف: “لما أقول للمدير بيعجبني فيك كذا ده وعي اجتماعي، لان كل شخص بينتظر كلمة بيعجبني فيك،  ولو حد خد رأئي في حاجة وانا مش عجباني ممكن أجيب موقف أحسن وأقول عجبني الموقف ده أكتر، لكن مقولش معجبنيش، كده بوصل رسالة أن الموقف مش عاجبني أفضل من أني أقول مش عاجبني بشكل مباشر”.

الفرق بين التملق والوعي الاجتماعي

واستكمل: “لما اقول للمدير عارف أنا اتعلمت من حضرتك ايه، كده بديله وضعه وبالتالي المدير هيحبني، وعمري ما انسالك الموقف ده مش شرط يكون معايا، بكده المدير هيحس أنه عاوز يتكلم معايا حتى لو انا موظف صغير، وده مش تملق”.

وأكد أن هناك فرق بين التملق أو النفاق أو “التطبيل” وبين الوعي الاجتماعي، فالتملق يعني أن أمدح شيء لا يوجد من الأساس، لكن الوعي الاجتماعي هو التركيز على الجانب الإيجابي وقوله.