السبت 26 فبراير 2022 12:46 مساءً - العالم كله حوالينا بيتغير، والتكنولوجيا دخلت في كل حاجة وأي حاجة، والشخص اللي يقف مكانه ومايطورش من نفسه يبقى غلطان لأنه مش هيلحق الناس حواليه، والدنيا كلها هتسبقه وهو هيقف محلك سر.

ودا اللي وزارة التربية والتعليم عملته من زمان، لما عملت تطوير لمنظومة التعليم كلها وعملت اقتران بين التعليم والتكنولوجيا، واللي شجعها على دا أزمة كورونا، فلما تم تعطيل المدارس والدراسة بقت عن بعد، أون لاين، شجع وزارة التعليم إنها تستحدث مصادر جديدة للتعلم داخل فيها التكنولوجيا بشكل أساسي.

وفعلاً، وزارة التعليم بقى ليها مصادر رقمية وإلكترونية للتعلم، ممكن أن يستفيد منها الطلاب وكمان المعلمون،

ومستمرة الوزارة في بث المناهج على هذه المصادر بطرق فعالة وشيقة.

ونشر الدكتور طارق شوقي، وزير التربية والتعليم، على صفحته الشخصية، منشور هام لجميع الطلاب،

وقد شاركه من الصفحة الرسمية لبنك المعرفة المصري.

المشور دا بيخدم على فكرة اهتمام وزارة التعليم، بالتعليم الحديث والتكنولوجيا، واللي اسمه التعليم الرقمي،

فعملت ورشة عمل تعرف من خلالها الطلاب كلهم والمعلمين أهمية التعلم الرقمي وكيفية استخدام

موارد York Press لتحسين التعلم الرقمي باستخدام مجموعة كتب New Hello.

وقال الإعلان المنشور: “لجميع المعلمين والطلاب، انضم إلى ورش العمل من York Press عبر بنك المعرفة المصري.

وتعرف على أهمية التعلم الرقمي وكيفية استخدام موارد York Press لتحسين التعلم الرقمي باستخدام New Hello

وذلك يوم الإثنين 28 فبراير الساعة 6 مساءً، وممكن تسجل الآن من هنا، وهيوصلك رابط المحاضرة على البريد الإلكتروني اللي سجلت بيه.