الأربعاء 14 يونيو 2023 10:36 مساءً - قال الرئيس عبد الفتاح السيسي، إنه يرحب بكل شاب وشابة لديهم فكرة لحل مشاكل الدولة المصرية.

وأضاف الرئيس السيسي خلال كلمته في المؤتمر الوطني للشباب اليوم الأربعاء، “ربنا أراد أن أنا أكون هنا مش أنا خالص”.

وتابع “لان أنا كنت عارف المشاكل اللي فيها مصر وقدرة الناس على التحمل وكنت متصور أن المصريين مش هيستحملوا والله العظيم المصريين جدعان”.

واستطرد “وأثبتوا خلال الـ 10 سنوات اللي قدمت شهيد ومصاب وتقولي أنا عندي كمان وتحمل الظروف الاقتصادية كلنا مستحملين”.

وأكمل “أنا عمري ما قولت كلام معسول وأنا معايا بطرمانات العسل والزبدة، لا البلد دي عايزة شغل من نار وانا مخدعتكوش وتراجعت عن الوعود عايزين نشتغل من الساعة 5 الصبح وأنا بصحى من 5 الصبح”.

وأردف “ما تحقق بالنسبة لظروف مصر وإمكانيات كتير من الدول بتقول انتوا عملتوا كده ازاي انت ظروفك متستحملش الموضوع كله كان أفكار”.

وأكمل “يعني العاصمة الإدارية الجديدة فكرة ازاي أحول التراب إلى فلوس ليه مش عايز تصدق أن أنا مأخدتش جنيه من موازنة الدولة لا على العاصمة أو العلمين والله العظيم ما أخدنا جنيه من الدولة هو الدكتور معيط معاه حاجة”.

وتابع السيسي “أنا مش عايز كلمة معارضة وأغلبية دي مصطلحات وضعتها بشر إحنا واحد ودي دولتنا كلنا”.