الأربعاء 14 يونيو 2023 10:36 مساءً - قال الرئيس عبد الفتاح السيسي، إن الدولة اتخذت إجراءات لمواجهة تأثير سعر صرف الدولار السلبي على المواطنين.
وأضاف “الرئيس السيسي” خلال كلمته في فعاليات المؤتمر الوطني للشباب اليوم الأربعاء. “سأصدق على كل التوصيات التي سُيتفق عليها في الحوار الوطني طالما كانت ضمن اختصاصاتي الدستورية”.
توصيات الحوار الوطني
وتابع “توصيات الحوار الوطني التي تخرج عن اختصاصات الرئيس سيتم إحالتها لمجلس النواب. إصلاح وبناء الدول أمر ليس باليسير وأنا أمين معاكم وأمين عليكم”.
واستطرد “المشكلة وإحنا بنتكلم عايز كل واحد فينا يأخذ الحد الأقصى في كل حاجة مش ممكن هنقدر نعمل كل دي خطوة كل واحد فينا يطلب”.
وأردف “اتفقنا أن دي خطوة من الخطوات والحوار الوطني ليس نهاية المطاف والعفو الرئاسي خطوة من الخطوات مقدرش متكلمش عن الماضي”.
وأكمل ” لان الماضي كان ممكن يخليكم في حتة تانية وإن ربنا نجاكم مرة متسنوش ممكن مينجناش تاني. الفضل هنا لله أنت علشان تتخلص من الخراب عايز تتطلب كل حاجة كاملة”.
انهيار البلد بعد 25 يناير
وأوضح “وكأن البلد مكنتش في أزمة. إحنا تكلفنا 80 مليار جنيه بعد أحداث 25 يناير غير الإرهاب والاحتياطي خلص في سنة ونص طيب هو بيرجع ازاي”.
وتابع “ضرب الكنائس والجوامع والكهرباء اللي حصل. ده إنقاذ وطن اللي هيحاسبني عليه مش أنت يقولي ضيعت الـ100 مليون”.
وقال “أنا مبخافش كنت زمانكم كلكم في خراب ودمار. الدولة دي علشان تصرف كويس عايزة 2 تريليون دولار سنويًا وعلشان كده الكلام حاجة والعمل التنفيذي حاجة تانية”.
