باسل النجار = الرياض في الثلاثاء 10 سبتمبر 2024 04:19 مساءً - مها أحمد شكلها اتفرجت كتير على فيلم أحمد حلمي، ميدو مشاكل، أحمد حلمي كان شغلته في الفيلم إنه يعمل مشاكل وبس لأبوه، ومها احمد شغلتها دلوقتي إنها تعمل مشاكل بس لنفسها وأولادها وجوزها..
مشاكل الفنانة مها أحمد عرض مستمر، ومش عايزة تخلص.. تقريبًا الفنانة بقت بتحب المشاكل والشو والدوشة اللي بتحصل حواليها، حتى لو على حساب أولادها وزوجها الفنان مجدي كامل اللي محدش بيسمع صوته!!
من مشاكلها مع زملائها وكلامها في السابق عن أمير كرارة، ومشاكلها مع نقيب الممثلين في فترة، وبعدها مشاكلها مع فادي خفاجة الممثل الشاب على تيك توك، وحتى جمهورها اللي بيتابعها على تيك توك لم يسلم من لسانها.. في الاخر بلوجر شهير عرض عليها مرتب شهري، وبتسيب التيك توك ومتصدعناش..
دي بعض النماذج من تصريحات مها أحمد وكلامها مع الجمهور على التيك توك..
تقوم مها أحمد بالظهور عبر البث المباشر وتهاجم الجمهور المتابع لها وذلك عبر اطلاقها تصريحات جريئة على حسابها الرسمي على منصة التيك توك مطالبة الجمهور بالكف عن التنمر عليها.
أنا جبلة مش بيحوق فيا تنمر
تواصل الفنانة مها أحمد الرد على جمهورها المتابع لها على منصات التواصل الاجتماعي ممن ينتقدون ظهورها المستمر على التيك توك معتبرين ذلك بمثابة تسول منها، حيث ظهرت مها في بث مباشر تتحدث فيه عن عملها على التيك توك قائلة: “هشتغل على التيك توك وعلي أي برنامج يجيب فلوس وأنا جبلة مش بيحوق فيا تنمر”.
عايز اشتغل عند شيخة بره واتفسح وأخد الألوس
أكدت مها أحمد في أحد الفيديوهات الخاصة بها أيضًا على أنها تتمني أن تسافر خارج مصر وتشتغل عند شيخة تحقق لها طموحها في العمل في الخارج حتي تستطيع أن تعالج نفسها وتبني علاقات ناجحة مع من يقدم لها يد العون والمساعدة قائلة: “انا مش هينفع اتعالج على نفقة الدولة مع إني فنانة مصرية وده حقي لكن لو اتعالجت على نفقة الدولة هتتنمروا عليا وتقولوا بتاخد دواء الغلابة، انا عايزة اسافر اشتغل بره عند شيخة تشوفني وتكتشفني وتشغلني عندها، علشان انتم متنمرين انا هتفسح واتدلع واكيدكم”.
أنا ضامنة جنة
في فيديو آخر، قالت مها أحمد إنها ضامنة جنة قائلة “أنا ربنا ميزني.. الناس كلها بتسعى إنها تدخل الجنة وأنا ضامنة جنة.. أنا مهما أعمل ضامنة جنة.. وهروح كدا وابني اللي انتوا بتقولوا عليه مريض هيبقى واقف كدا.. إنما إنتي ياللي بتتنمري ممكن عقاب ربنا يبقى كبير عليكي وتصحي مرة واحدة تلاقي ولادك كلهم عندهم ضمور في المخ”.
