باسل النجار = الرياض في الخميس 5 مايو 2022 11:49 مساءً - علق الدكتور مبروك عطية، على انفصال رجل الأعمال أحمد أبو هشيمة عن زوجته الفنانة ياسمين صبري.
وقال عطية، في فيديو نشره عبر صفحته الرسمية على Facebook: “الزواج شريعة ربنا وأذيع أنهما تطلقا والطلاق شريعة ربنا.. ليه الدنيا مقلوبة”.
وأوضح عطية: “جابلها خاتم في الأول بـ 3 مليون.. كنتوا معاه في الفاتورة؟ ما جايز بربع مليون، هو النائب المحترم لو استشارني كنت هقوله 30 ألف حلو يا أبوحميد والباقي أكل بيه الغلابة طيب لو رد عليا وقالي أنا مطلع زكاتي كنت قولتله تصدق قالي متصدق أقوله إيه مش كفاية زكاة وصدقة أقوله كمان اتبرع بكل مالك؟”.
وتابع: “جابلها عربية بـ 10 مليون، لو استشارني كنت هقوله كفاية عربية بنص مليون وكلها بتأدي الغرض والباقي ابني بيه مدرسة في بلدكم قالي باني 4.. ولو رد عليا أقوله لا إحنا كنا معاه وهو بيجيب العربية بـ 10 مليون ولا معاه وهو بيجيب الخاتم جابه لمراته أدى لمراته حقها نشيل من راسنا سواد نظرتنا لكل ذي مال من زمان”.
وذكر مبروك عطية: “غيرانة.. كان نفسك تبقي هي وتاكلي الصينية.. ياريت أكون هي وآخد أنا العربية مش آخد أبوهشيمة التاجر الناجح لا خالص هو السواد ناحية اللي معاه قرشين.. اللي معاه قرشين إحنا عايزينه يشحت.. اهدوا.. شايل طاجن ستك ليه عندك سواد ليه دع الملك للمالك ولا هو هيبطل جواز ولا هي هتبطل جواز وتبقى الدنيا جميلة”.
