باسل النجار = الرياض في الأحد 11 سبتمبر 2022 01:53 مساءً - حلت الفنانة هدي رمزي ضيفة مع الإعلامية ياسمين عز على برنامج ” كلام الناس”، المذاع على فضائية ” إم بي سي” ، وكشفت عن نيتها للعودة للتمثيل بعد فترة غياب طويلة دامت أكثر من 20 سنة.

وقالت هدي رمزي :” إن صديقتها سهير رمزي هي من أشعلت داخلها الرغبة في العودة للأضواء”.

واستدرجت حديثها قائلة :” مش عايزة أرجع وفي نفس الوقت أنزل من نظر الناس، مش عايزة أعمل حاجة الناس تقولي عليها إيه اللى رجعها؟ لازم أشارك في عمل يليق بيا ويعليني، مش عايزة أعمل أي حاجة والسلام، ومبيتعرضش عليا أعمال لأني كنت مبتعدة تمامًا ومكنش فيه فرصة لحد يعرض عليا شغل”.

وتابعت : “بتواصل دايمًا مع الفنانة سهير رمزى ونورا وبوسى، وبقولهم اعتبروا إن عيبى الوحيد هو عدم حبى للتليفون، لأنى بحس أنه بيقتحم الخصوصية”.

وأضافت :” طبعا بحن للتمثيل ولأيام جيلي، وبتخض على سهير رمزي، لأنها حبيبتي أوي، كانت بتعمل مسلسل مع هاني رمزي الأيام اللي فاتت، وكنت ببقى مخضوضة عليها، خصوصا لما بترجع الساعة 8 الصبح وتتصل بيا تقولي لسة راجعة، وهاني رمزي من الناس اللي تحبي تشتغلي معاهم”.