باسل النجار = الرياض في الأربعاء 5 أكتوبر 2022 12:57 مساءً - علقت الفنانة فريدة سيف النصر، على حملة الهجوم التي انطلقت ضد الفنان محمد رمضان ،وكانت بدايتها إلغاء حفله في الإسكندريه ،وأيضا سوريا.
أعربت فريدة سيف النصر عن رأيها بما يدور خلال هذه الفتره مع الفنان محمدرمضان، معتبرة أنها ردود أفعال مبالغ فيها، وذلك من خلال مشاركتها منشورًا عبر حسابها الشخصي على موقع التواصل الاجتماعي فيسبوك.
حيث قالت فريدة سيف النصر :” في إيه محمد رمضان ،كده أوفر، «دي عين»، اللي بنسمعه ده أغرب من الخيال،طول عمرنا بنعمل مسرح في ماريا عروسة البحر الأبيض، طول عمرنا عارفينها فاتحة أحضانها للفن وهي منبعه..أكرم ناس ذواقة لكل الألوان من مستوي السيد درويش لحد بدارة وحمو بيكا وأكتر من كده هو وزمايله،اشمعني بقي لااله الاالله”
وأضافت فريدة سيف النصر منتقدة إلغاء حفل محمد رمضان في الإسكندرية وسوريا :”علي فكرة اللي اتخرب بيته اللي عامل الحفلة، وعارفينهم حقيقي باعوا التذاكر كلها..طيب الناس اللي بتحبه يولعوا يعني علشان العند والتصاريح على فكره معجبينه كلهم شباب وغالبية عظمي مالهمش في عند وحقد العواجيز ومحاولات الهدد، لكن لو سعادتك ارتحت يهمنا راحتك يارب بردا وسلاما ياساتر يارب”.
وتابعت :”المسؤول عن التصريح ناقص يدخل اللي مش على مزاجه بفيزا، واللي مش قادرين يفهموه،الفنان لو له عمر بيستمر أكتر من أي مركز وكرسي زائل،هو ايه الغلب ده هو تار ولا إيه طيب نفهم علشان ماندافعش فهمونا ،ياريسنا الإسكندرية مش بتاعة أي مسؤول دي بتاعتنا كلنا معظمنا أهالينا هناك عند العروسة، وكرم الدنيا والجدعنة الإسكندراني مابيكرهش حد وبيحب كل الألوان، ما بيكا أهو مثلا تاني أهو”.
وأضافت :”يعني ايه تصاريح؟ محافظات مصر كلها للمصريين،وكل ده وقت لتصريح عن حفله معروفه للكل واشمعني الأجانب هوا يتعمل كل حاجة وحفلات لغير مصريين على راسنا لكن بالنسبة لابنها ايه بقي.. هو في ايه؟ الحرب والحقد مش للدرجه دي كتير كدة،الإسكندرية أهلها بس اللي يقرروا،ولو قالوا يبقي تمام”.
وأضافت :”اللي يكلمني ويقول لي بتطبلي له أهو شغلك معاه،إيه الادب ده،أولا رمضان مابيدخلش في حاجة في حاله ومحترم قسما بالله،وبرضه مسلسل موسي محمد سلامه اللي رشحني ده ابني يعني اسألوه،ومسلسل العمدة اللي مرشحني محمد سامي وكنت عايزه أشتغل معاه بجد،وأنا بحبه هو ومي عمر جدا من القلب للقلب،ده لو بيقبضني وعامل لي بطولات مش هاتضايق كده بس بجد حرام ،نهدي بقي”.
وتابعت فريدة:” بسيطة نعمل له مسرحية في بلدنا الاسكندرية ونعرف بقي بتصريح ولا خيبة تقيلة ،بعد العمر ده كله فيها وقبل ما الكراسي دي ما يتقعد عليها وياما راح وجه كتير ومشيوا معاش فوقوا، هو في إيه،ولا يمكن هاناخد فيزا قريب ماهو هايبقي للفنانين كلهم بقي، ولا يكون معمول لرمضان بس ياعيني يابني،حلوة فيزا دي ماهو كان ده المخطط ناسيين،الله المستعان”.
وأختتمت :«انا بقي ربنا خالقني كده وباخسر على فكرة بس بأكسب نفسي اللي بأصدقه وألاقيه مظلوم بجد أو مستهدف بأدافع طالما مقتنعة،هو مش أسوأ مافيها بس كل موضوعه ربنا كل مابيتحارب بيوسع عليه أوي، وبيقف جنبه ومحبينه يزيدوا حاسبوا ربنا بقي ،استغفرالله..جري لنا ايه؟ ويبقي السؤال مين السبب هو في حد اشتري العروسه فهمونا دي بتاعتنا حتة من روحنا وعمرنا نفهم سلام».
