باسل النجار = الرياض في الثلاثاء 21 مارس 2023 05:29 مساءً - قالت الفنانة نهال عنبر ان احفادها يوسف و ياسين بيغيروا عليها جدا و كان فى احد المعجبين بيقول عليا الله ده حلو اوى ، فاتعصبوا الاثنين و كانوا هيتخنقوا معاه ، فقولت ليهم بلاش مشاكل وأهدوا دول معجبين .
و اضافت خلال لقاءها مع الاعلامى دكتور عمرو الليثى ببرنامجه واحد من الماس على شاشة الحياة ، انها دائما فاتحه حوار مع أحفادها علشان يعرفوا الغلط و الصح و بقولهم احكولي بصراحة و انا مش هيكون لى رد فعل علشان اقدر اقف جمبكم ، و بتكلم معاهم دايما عن الحرام و الحلال ، و بحسهم على الصلاة ياسين بيبقى الامام و يوسف بيقيم الصلاة و نصلى جماعة احنا الثلاثة .
و قال حفيدها يوسف لما بيكون عندى اى مشكلة بحكى لها على طول و أسمع رأيها ، و قال ياسين انه بيحكى اكتر لنانا نهال اكتر من ماما ، و ماما ساعات بتتعصب كتير فبخاف اقول لها .
و تابعت نهال انها بتعمل شو هى و احفادها فى البيت بنقعد نغنى و نرقص مع بعض فى البيت ، لكن انا لسه مش بعرف العب بلاستيشن ، يوسف بيحب المطبخ اكتر من ياسين و بيعمل اكل كويس كريب و حاجات تانية .
