باسل النجار = الرياض في الجمعة 10 نوفمبر 2023 10:16 مساءً - تحدث المنتج جمال العدل عن الفنانة عبلة كامل وأجاب على عدة أسئلة.

– من غير كسوف قولت أن عبله كامل مش هتمثل تاني معلومه ولا توقع ؟

= توقع اقرب للمعلومه

– بتكلمها في تواصل ؟

= لا للاسف .. أولا احنا اخوات وأصحاب جدا فوق الوصف يعني جاتلي مره الشركه من سنين سلمت عليا ومقلتليش ولا كلمه بس انا استشعرت أنها مش هتمثل تاني اقسم بالله ما قالتلي حاجه وبعدها ممثلتش خالص احنا اخوات هي زي منال أختي بس هي في عز ما كنا بنمثل مع بعض العندليب أو ريا وسكينه او اي حاجه عملنها سوا صعب جداً تعرفي تكلميها في التليفون وترد يعني اللي هي فيه دلوقتي ده مش جديد !

= لييه ؟!

– هي كده دي طبيعتها مشغله ناس عندها في البيت علي الله كده يعني اقولها يابنتي مدام عبله موجوده ده لو ردت تقولي مش عارفه لما ابقي اشوف ده الوضع لما كانت بتمثل ما بالك بقي لو مبتمثلش ..

– يعني مش عارفين تليفونها أو عنوانها ؟

= كل الناس معاها تليفونها مش هترد علي حد موبايلها من يوم ما اشتريته بتعمل بيه مكالمه وترجع تقفله هي دي طبيعتها قالت إنها مش هتمثل لا مقالتش هي أنزوت في هدوء رائع وقامت واخده جنب مفيش اجمل منها حتي لما انسحبت انسحبت في نُبل

– انا بحب فيها انها اتحجبت ما أها.نتش الفن ولا الفنانين مسمعناش اصل الفن حر.ام وكده

= لا خالص علي فكره اخر كام مسلسل عملتهم محجبه وعملت صعيدي قصد عشان تعمله وهي محجبه هي فنانه خاصه جدا مفيش شبه عبله كامل الا عبله كامله